舞步青雲/伊人/一僕二主 (英國國家劇團)/朝

舞步青雲:

首先: 估唔到譚芷翎小姐淨係做落選者.

有一首歌的第一句施標信先生唱時咪無聲, 但睇歌詞又應該唔係佢唱, 臨時變動就會咁? 同埋好明顯施先生的舞姿差過其他人, 包括佢提腳踢係無乜力......

上半場時完全留意唔到教練是否在場? 因我只係聽到佢把聲, 唔知係咪VO?

姚詠芝小姐的角色究竟係咪主角戲份? 張國穎小姐得的掌聲多好多. 另, 宋雯小姐講廣東話咁歪音, 但唱歌都算OK.

真係要康文署先可以做呢D SHOW, 入座率大概七成.

但...... 劇情真係太鬆散. (無錯係特色......)

--
伊人: 好有陳導演的特色, 但演員發揮不大...... 要演員講自己的最羞恥的事個個講到喊晒...... 感覺好似"人生課程"

入座率: FH

--
一僕二主 (英國國家劇團)

好好笑...... 但...... 謝幕時先知原來上半場被邀上場的觀眾係媒! 太逼真, 離場時仲撞親頭, 嚇親觀眾! 第二日諗起, 咦, 拎三文治出黎果個都應該係媒! 果然真係. 我真係太單純. 但好好笑, + 英文程度不太深. 入座率: 90%

--
朝:

睇左下先睇上, 星期五入座好慘烈: 估計得20%. 星期六有70%.

感覺係羅編導小姐將心中的浪漫古代故事放在舞台上了. 身邊有觀眾帶小朋友去睇, 我估佢睇得一頭霧水. 因為上半場的故事係5-4-3-2-1-6 咁講的.

從APA時代開始(應該是更早, 第一次是砵蘭街的VENEZIA CAFE)都沒有特別喜歡朱柏康先生, 今次仍然覺得欠一點點, 但好過以前. 不過要我想另一個男演員擔這角色又想不到. 劉俊謙先生的聲音總令我想起葉榮煌先生......

陳文剛先生的皇帝又唔係令人覺得好無道...... 同埋...... 劇情/角色性格都係有D欠細緻. 亞燕將軍你都無理由逼老婆接受你殺佢老豆...... 講唔通囉.

同埋我唔記得魏綺珊小姐係咪只在開場戴起了面具. 之後好似無戴過.

總括: 賞心悅目, 同埋真係可一不可再. 仲有: 勇於挑戰古代劇本+演出, 就值得嘉許~ 不過: 群戲有點煩. (尤其一個一個出場講果度) 同埋有個話厭戰的男演員, 佢行親路都拖住黎行架! 對鞋好大聲即!!!

膚色的時光/長繫我心/孫中山革命前傳

膚色的時光: 台灣來的藝團, 第一次看. 舞台被分成兩半, 很有趣! 屏幕的應用剛剛好. (就是不夠清晰才好~) 咦, 用返廣東話先~ 有之前睇過的莫子儀先生, 高若珊小姐. 但高小姐比起在進念的演出好似'寒背'了很多.

心寒的劇情, 十足日本推理小說, twist完又twist, 原來每個人都有陰謀..... 但...... 劇情真有點夾硬, 但活用了劇場的遊戲性. 好睇.

目測入座率: fh
---
長繫我心: 傅導在apa導過呢個劇目, 想必念念不忘. 睇返當年apa的劇照, 陳煦莉小姐拎女配角的應是如念李趣慧小姐演的那個. 整體六人平均, 表現ok. 美國南方的那種neighbourhood都幾令人嚮往, 但可能會太煩...... (個人覺得~)

目測入座率: 80%
---
孫中山革命前傳: 二次公演(在中環那次)有睇過, 蔡瀚億先生換了陳健豪先生(兩人氣質有些相似), 林子杰先生與另一人(郭嘉熹先生?)換了角色, 再加兩女角, 歌曲好似差唔多. 現場伴奏不知是否仍是羅小姐. 場地太大, 佈景太簡單...... (基本上同小場那次感覺差不多咁囉) 對認識革命歷史/年輕人會適合.

目測入座率: 80%
--
那天造夢, 差不多廿年不見的當年心儀對象浮現了. 正如前所說, 當年女校出身的我完全不知如何處理, 可能白白浪費了一段本來兩情相悅的心事.

永遠記得一年後的有一天我鼓足了勇氣打了他家的電話. 那時就是這樣囉, 還要想, 究竟應該甚麼時候打去來會在家呢? 如果是現在, 容易多了, send 個 whatsapp 去打聽打聽先...... haha. 只是, 那些時刻的心跳, 和某些晚上的失眠, 回想起也覺得是'那些年'囉.

三國

唔, 因為這劇是國語的關係, 這篇我還是用文言文來寫. :)

本來一賣票時已預訂了周五的票, 但因要看醫生, 於演出前的周二去改票, 改成了周六午的票. 當時還有數張位子是空的...... 怎知道, 周六看完, 想再買周日的票再看, 已經全部滿了!~ (不過相對於以前的戲, 好像遲滿了一點)

作為一個讀女校的女生, 真是再感動不過. 學校本來就是戰場, 尤其是女校. 如果是那些小學直升的你是外校生進去就更慘. 還記得體育科/家政科每每要你兩個人一組呀三個人一組呀那些, 每次都心驚膽跳, 會不會又落單一人.

成績好的, 會被人孤立. 人緣好的你不巴結又會被孤立. 老師偏心又會不快. 不教人功課會被話"串". (如今回想好像好多慘事, 其實當時又不覺得, 現在也不覺, 但想清楚細節原來還是記得的)

在封閉的校園中(禁止一切聯校活動)除了讀書教的是大學才應拍拖, 墮胎很恐怖 (有錄影帶看的)等等教育. 考試時應該保持情緒隱定, 不要"無啦啦"喊浪費一天的溫習時間 (這個適用於每一日)

還有你們不用跟同學鬥成績因為你們的敵人是全香港. (那為甚麼校內還要打分?)

所以最後一場, 司馬懿一人走去, 我不知道其中是否有一種怡然. 但我的確從中學時已慣了一人(吃飯). [初中時聽到同學說要是沒人陪就不吃飯, 當時已深覺不以為然] 現在看劇也多是一人看. 旅行也試過一人去.

不是說司馬懿是勝利者然後可以這樣說. 而是有時這也是一種選擇, 未必要像公瑾那樣強求朋友. 又或者是妒忌他的成就. (這個可演繹成對考第一的同學的排擠~ 哈哈)

課堂裡不會教你理財, 不會教你怎樣戀愛 (從女校出來時有一兩年不知怎麼處理戀愛關係), 不會教你找甚麼工作..... 不會告訴你怎樣提高社會地位 (= 掙錢?) 全部都是自己領悟的.

我那間(+那時代)的學校還好同學們都不是很有錢的. 聽說現在的還要鬥物質. 還有戰場已蔓延至媽媽們的明爭暗鬥. 要打聽好成績的學生在哪裡補習等等. 子女們眼看著會不會學了?

說回演出本身, 十三位女將默契駕輕就熟. 一邊玩網球一邊說對白令我想起"三月某五天"(全劇演員做著甩手操演戲) 真是好好看. 看一遍有很多東西不明白. (尤其我沒看過三國的小說, 很多典故都不知道) 希望有重演. (應該會吧? 雖說LCSD主辦, 重演就在APA吧~)

呀有一個一定要說. 葵青劇院那個旋轉盤今次真是神來之筆. 在韋羅莎小姐站在圈外, 而其他人轉走時, 對白: "你沒有朋友!!" 小圈子就是這樣的.

不過, 謝幕時不見林導, 真有點不慣. 想看他叫每個演員介紹一下自己嘛. (字幕出現在謝幕時, 我是到了葉麗嘉小姐才看見呀!!)

赤.裸/夢魅雪夜之真的下雪了/三個麻甩一個騷/上司已死

赤.裸: 最早看R&D班底的製作是禁葬令ANTIGONE, 何敏文小姐的演技好適合做堅貞不移的女子. 由佢的PROFILE估計她本人應該出身自中上家庭...... (芝大讀經濟, 之前有睇一仔的張五常先生專欄......) 可惜當年APA做的MEDEA好似唔係睇佢個CAST, 應該會幾o岩佢做. 呢幾年R&D的製作令我懷疑其實佢好迷戀陳康先生...... (無責任猜想~) 之前我都有提, N年前睇過東週刊陳先生亦係出身幾好. HAHA. 好八卦. 講返套劇, TWIST中有TWIST, TWIST完再TWIST. 陳先生對藝術的執著及何小姐對新中國的嚮往/對女性抬頭的渴望都OK. OVERALL都係陳先生做得好D. 前輩李楓小姐做得好過"芳華絕代"......

香港好似好耐無做"紅衛兵"的戲. 諗起當年亞記的"還看今朝". 星加坡的編劇寫的劇本...... 又想起年頭看過黃哲倫先生的劇本. 香港咁多年華洋雜處, 反而好少呢方面的劇本喎好似.

目測入座率: 好似六成. 真係有點浪費.

--
夢魅雪夜之真的下雪了: 去年的RERUN, 盧智燊編導退居演聖誕老人, 由朱栢謙先生領銜主演. 舊年的BAND的化學作用係好少, 改動合理. 吳家良先生的角色由張志敏先生頂替, 表現OK.

宣傳重點擺在朱先生, 佢真係有咁多FANS? 因為"好想藝術"? 吳先生的離開+盧導的"昇格"造成? 但朱先生與其他團員好似始終有點格格不入.

目測入座率: 好似七成.

--
三個麻甩一個騷: 兩年前無睇過, 有娛樂性, 黃呈欣小姐過足戲癮, 但佢講野真係有D懶音. 三位導演以方俊杰 先生演得最好. 唔...... 不過如果唔係鄭國偉先生係咁叫佢"高生"我都唔留意佢個角色叫高瞻 - 高+詹? HAHA

想講: 的確入座率不高的劇會淪為"物理上"存在ONLY. 但好多時有好多導演"打飛機"的劇睇到想爆粗. (呢度都有提過下)究竟邊個定義果D又一定係藝術? 我都係不宜評論了~(小妹才疏學淺~)

目測入座率: FH

--
上司已死: 泥九呢位演員好似無睇過...... 但演得唔錯. 導得緊湊, 打工仔要睇, 學下內裡技倆 (係咪NLP應用?) 語言偽術, 以黑為白! 勁.

目測入座率: 60%

捕鼠器/資本.論/極地情聖

捕鼠器: 買了貴飛睇, 鬼佬走埠劇質素有保證, 算是有TWIST. 氣氛好正. 不過最估唔到係WIKI竟然劇透晒!

目測入座率: 75%

--
資本.論: 上海的劇團, 演出OK, 劇本的"金融"常識如果有睇報紙會熟悉. 喜劇黎講不錯. 我最掛心的係現場觀眾: 一蚊換兩蚊, 兩蚊換十蚊, 十蚊換一百蚊, 最後俾一百蚊出黎果位觀眾咪蝕大本? 我又唔見有叫人地最後換返喎......

目測入座率: 75%

--
極地情聖: 十二年前有睇過螳螂捕蟬, 印象已極度模糊. 今次係高手過招, TWIST完再TWIST. 留意到梁先生在黃先生訴說對JENNIFER的鍾愛時臉上的表情. 又愛又恨. 佈景好正. 燈光好正~ 極光勁靚~ 場地係太大...... 貴飛值得俾.

劇本確係一絕~

目測入座率: FH

羊泉鄉/秀才與劊子手 (續)

羊泉鄉: HKREP的司徒先生到了APA後首導之作, 風格與前大不同, 連同岑先生的改編, 直接指斥現時社會某些現象...... (連我都變得白話化左) 尤其係最尾果個國王...... 講普通話...... 同埋我無記錯, 係"十九"官員...... :O (好似無乜人聽到/聽得明)

趙先生的演出, 正如前POST所講, 上個學期的"終成眷屬"已有留意, 因為佢個樣 (OK, 第一印象當然係樣架喎~) 係唔同一般果種樣, 有D混血少少又單眼皮, 唔可以叫靚仔但好有魅力. :D 今次仲要有大量的半裸場面, 成套劇裡面的族人好似係得佢咁樣, 唔知係咪因為要突出男主角定係得佢操得咁FIT?

再GOOGLE一下, 發現趙先生在"同流"的"山羊"裡有份參與劇本評論, 其英文用字水平都幾高...... 我估計HKCEE係拎A的程度.

話說我係SHOW前一日先買飛都買到, 但入場係全滿, 有D奇...... 但APA好似會俾飛學生睇, 可能因為咁......

--
秀才與劊子手: 黃導又係加入左APA首導之作, 睇得出好有心. 中段有好多GREEK 面具的型體, 木偶, 飛天豬 (勁!!!!!!! 數過應起碼有60隻+), 竹, 等等.....

兩男一女主角做得好好, 再加埋控製木偶+講咪的那位, 個個睇得出係出盡力. 當然導演功不可沒, 如何好好運用演員. 青春的演員的ENERGY好好地運用可以好好睇.

講講主角刑先生. (話說場外有刑先生父母及兩位姐姐的花牌, 三姐弟的名字好有心思. 又話說GOOGLE到刑先生兩年前拎獎學金的報導, 更加感動)

刑先生由開頭的"驕揚拔扈", 演到中段失魂落魄痛哭, 情緒控制得宜. 再加上又有半裸片段 (個人黎講當然係正. :D~)同埋被受誘惑時的軟弱, 睇到多面性......

許先生身兼填詞, 又有手翻, 肌肉都練得好勁, 同埋真係好陽剛氣. 演的果種屠夫的"無知"/"樂天"等等, OK有層次.

最尾最尾, 台上掉了大堆的"粉"? 前排觀眾都染到成身都係. HAHAHA. "永遠的微笑"的歌聲.

政策改變對百姓的無奈. 我都有看到了.

八成觀眾, 值得FULL HOUSE!

羊泉鄉/秀才與劊子手

羊泉鄉/秀才與劊子手

BRAVO to these two dramas! esp. to the latter, i enjoyed that sooooooooooooo much.

no time to talk now, talk later~~

and of coz, the chaaaaaaaaaaaaaarming male leads at these two dramas, mr chiu chi-wai (oops i already paid attention to him in last year's "all's well ends well" too. and mr. ying ho in the latter drama. soooooooooooooo charming hehe and acted so well. last time i felt this in apa current student was angus in hamlet back in like 7 years ago...

末日怪物/臭格/兩隻狗的生活意見

末日怪物: 之前知道有訂票優惠, 但時間太短搵唔到friend... 所以無訂. 勁, 全場滿座. 劇情幾好. 潘先生的破格演出令我有d驚訝. :o 黃呈欣小姐一般地好. 跳舞果位我一路以為係老婆婆的分飾兩角...... 跳舞果位小姐有除剩bra的場面, 我身邊的妹妹仔又大笑...... 唉.

梁先生我估唔使"演技再培訓"...... 佢扮的兩堂兄弟, 一個白痴一個"精英", 雖然分別係ok, 但做戲係欠左細膩. 我係覺得講野有d癡月利筋.

其他的都唔太記得~ o靚仔叫ok.

--
臭格: 舊年睇左讀戲劇場, 今年睇, 豐富好多. 邱先生之前擔的大旗成日做"懶"好人(例:2月14/有飯自然香等等), 一係就卡里古拉咁激. 可惜當年無在apa睇flowers for algernon, 淨係有睇過"愛在紅樓"(舊年好似有劇團rerun但miss左)

今次睇得出佢好"wild"的一面, 情緒起伏好大. 正如演後座談所說, 真相唔重要, 每人知道的是如何在這社會中保護自己. 唔, 所以要請律師.

目測入座率: fh

--
兩隻狗的生活意見:內地的"二人轉"都係第一次睇, 感覺新鮮, 而話題亦似乎有社會性, ok啦. 聽力不大好...... 有d聽唔明.

目測入座率: 90%

七位導演眼中的40@2012/藍花花

七位導演眼中的40@2012: 七個單位幫致群劇社慶生...... 本來想睇中英的"死者的血訴", 但演員唔識乜水...... 所以睇呢套. 奇在開十一點場(早上), 目標觀眾是老人家?

痴戀著/一: 無乜特別. OK. 起碼有劇情, 謝幕時前輩已走, 相信是太夜!

納蘭: 蒙小姐由APA時都成日做D好"聖女"FEEL的角色, 今次都係, 但佢跳舞真係唔多好睇.

致群40。致敬:革命不是XXXX, 我估係向"斜路黃花"致敬? 行為藝術真係唔識欣賞, 最估唔到係有女性裸露上身的場面. (呢個其實唔係重點亦唔應該HIGHLIGHT, 我只係O左嘴, 估唔到即)

中環遇見兩生花: 估計大部份觀眾係因為呢套而買, 平平穩穩, 演員OK. 不過我睇完都唔多明究竟黃小姐同邵小姐係咩關係...... 無乜慧根.

天天: 跳舞好睇好多. 陳小姐在"中"時已出場, 接得好.

夢兮: 好得意, 原來係貫穿全場的手法.

何來七千幾: 由於對白出現"遺禍人間", 估計同該劇有關. 但我無睇所以唔多明. 對面有一行年輕女觀眾, 估計是中學生, 聽到一句粗口就笑一次, 頂, 咁笑左好多次啦. 前世未聽過粗口? 使唔使表現自己咁純情? 定響同學面前要咁? 唉.

完場時的打鼓, 潘導都來了. 心諗, 咦你唔係響牛池灣咩? 係喎好夜囉喎, 坐車都黎得切. 仲有陳小姐助拳, (所以無謝幕) 呢個係最感動時刻. I MEAN 打鼓.

完場時余先生叫觀眾推薦其他人黎睇, 又係果句, 我唔敢叫人睇呢D製作喎......

四面台一面大約30%, 一面估計80%, 全場目測入座率: 53%
--

藍花花: 星期六的夜場俾贊助商包了, 只好買周日, 好彩! 原來又有兩個CAST, 個人喜好當然是劉首席. (純屬個人喜好, 與舞技無關).

潘小姐加盟了一年, 套套擔正, 相信升職指日可待. 佢的身體動作的確好好睇好柔軟.

劉首席在第一幕全場男舞員赤裸上身時好明顯係白過其他人...... :O

九唔搭八咁耐, 講返正題, 舞劇劇情OK感人, 表現如常地OK. 最唔明係謝幕最後係企足全場無乜郁的"歌者"? 定我睇唔清楚呢?

完場時的簽名會係兩個CAST齊備, 好好的安排~

目測入座率: 80% - 只計STALLS, 樓上睇唔到......

--

唉, 今朝10:15接到渣兜銀行SELL LOAN, 如果起左身就唔使趕的士! 的士司機好有雷氣停在我前面而唔係後來夾硬在我後面截的士的一家大細!

但佢唔過海, 要我轉的士. :O 問題係咁既時間過海, 同搭地鐵差唔多時間咋!!

中女解毒II-戀戰中男海/留守太平間

中女解毒II-戀戰中男海: 舊年同好姐妹去睇, 今年一人.

在場有好多觀眾都是一堆女人去睇的, MARKETING定位清晰. 今年的劇情鬆散, 同"中女"無乜關係, 都係兩性關係野. 將時下流行的網上話題炒埋一碟, 包括火腩飯潮文, 日本宅男教你一個人扮影兩個人相, 整容等等......

我的笑點太"高"...... 全場都只係笑左一次. 對於仍在愛海迷失的女子們有鼓勵作用.

目測入座率: 90%
--

留守太平間: 舊年年頭好俾面地將我的第二次去屯門睇SHOW俾左佢...... (第一次係:MISS杜十娘)

舊年: 前輩馮先生勁食螺絲同埋感覺好老...... (同十年前果個版本比) 感覺是JOHNNY陳先生非常恰當但馮先生有點違和. 今年重演馮先生好好多, 陳先生更加感覺瀟灑遊刃有餘. 自信滿滿. 男人果然是3X歲黃金時期. 十二年前睇"玩偶之家"果時發聲的鼻音勁到呢...... 依家完全改進晒.

原來有B CAST! 可惜我唔知~ 唔係可能會睇下...... 鄧導的表現啦當然係. 林先生...... 我覺得佢未到"自命天才"的感覺. (雖然在APA時期的"馴悍記"/"縛愛"有果種FEEL, 但依家反而無)

場刊寫"首演"的燈光設計為另一人, 唔, 係咪應該寫明"同流首演"? 首演係十年前中英喎.

十年前到依家睇左五次, 可能係我睇一套劇最多次數, 劇情經過舊年睇返而RECALL. 不過舊年同今年都因身體狀況不佳而好眼訓...... 唉 :(

完場聽到鄰座男觀眾話: 咦, 乜原來佢地兩個識架? 一滴汗在我臉上流過...... -____-'' :O

全場滿座! 原因是劇目宣傳好勁? 好有口碑?

廚師J與侍應F/0382

廚師J與侍應F: 之前的宣傳物料唔知點解寫錯字, 侍應變左待應...... O晒咀! 家下新宣傳"BENT"的又係咁...... 震撼變震憾...... (星期日睇明報又係咁, 唉!)

果日先諗起, 十年前又係咁上下時間(十二月)睇APA的"嘴對嘴", 當時有湯駿業先生/王耀祖先生/黃兆輝先生...... 果陣已經好有印象...... 咁多年來我對湯先生的印象係APA時做得好過劇團時期的佢. 可能係我覺得佢的搞笑劇太過於想搞笑 (例: 小人國). 正劇時又成日拍住梁祖堯, 有所比較...... 同埋成日做D比較灰暗的角色. 今次雖然灰暗但又不失樂觀. 我係覺得佢係TOO HANDSOME FOR JOHNNY. 雖然已經留左鬚...... :O 同埋學佢話齋, 咁筍盤, 唔似咁失意囉~ 但相信不少女觀眾會好LUM~ 我旁邊果位觀眾忍唔住喊添.

我都要講, 今次做得幾好, 係女都應該會lum既. 除非好似女主角咁慘就無計. 情形似之前tbb套巴不得媽媽咁, discuss d人都話做乜大隻謙做乜追泥水妹咁耐, 泥水妹都驚驚青青唔接受, 的確有女仔係會咁的.

bent... 又係1x年前apa做的屈獄情, 當年梁先生已有份做(我無睇過). 今次竟然仲有梁浩邦先生, 真係有d興趣. (對於梁浩邦先生, 其實無特別喜愛. 但之前見到有人話佢要"演技再培訓"反而令我更加留意下...... hahaha 遲d講返之前果套"末日怪物"先.

本BLOG主比較鍾意評論男演員...... 以上.

目測入座率:98%
--

0382: 口述歷史劇對我呢個鍾意聽舊野既人黎講梗係MUST SEE. 何秀萍小姐踏台板...... 以前太細個無睇過. :O

臨尾十五分鐘, 三位 (演員!?) 在台上齋篤電話唔出聲. 我旁旁邊位男觀眾同鄰座女觀眾講話不如我地上去問下佢地究竟睇電話睇乜? 又有幾次有觀眾拍手企圖拍完走? 我又諗起當年林奕華套我x學校(定第套?), 台上學生足足舉足四十分鐘唔郁唔出聲,仲勁...... hahaha. 真係未見過大蛇痾尿.

最後最後, 可能無乜人留意, 幕黑時, 隻電子蟲係在地上不停轉的.

目測入座率:80%
--
我真係好想問文化中心係咪淨得一個場地伙伴? 進念真係幾威......

B+人生

抱恙在身, 無暇更新......

不過今晚睇完, 忍唔住不吐不快. 係咪堅係"載譽"重演?? D 譽邊度黎? 勁悶......

同埋, 徐先生成日做呢D "人生失敗者"角色, 都好多啦. 其實真係唔討好囉! 以後真係要慎買三角關係的戲......

完場聽到有人話, 拖長黎做, 簡單講, 就係'活在當下'. well said!

舊年國際綜藝合家歡首演? LCSD的口味越黎越奇怪, 都唔合家歡的戲就黎合家歡...... 以前有雷雨/HAMLET等......

林小姐樣/神情/聲線好似黃智雯......

目測入座率:60%

完不了的最後一課/資本主義喜劇/Tiffany

賣廣告先:買多左張飛, 二十七號晚一張, 邊個想要就留言

http://www.timable.com/event.php?eid=43022

完不了的最後一課: 朱先生加盟中英第一擊. 宣傳上很突出朱先生, 不過估不到原來戲份只得一場(及最尾的驚鴻一瞥~)場刊仲要排第一...... 勁~

皇仁校友相信會更投入, 作為一般觀眾的我覺得above avg... 一貫中英的香港情懷劇.

朱先生的表演好似"好想藝術"裡面咁......

關頌陽先生好似好耐以前睇糊塗戲班有睇過, 老了很多......

盧偉力先生都係少演好d...... (上次他導的"馬桶", 見到他身邊的老婆, 忘記了原來是黃曼凝小姐添, 睇到場刊鳴謝先記得)

姚安遜先生有d似大隻謙...... :O

最尾大晒冷, 高小姐的素顏都幾素下......

目測入座率: 無五成...... 第一場未WARM?

--
資本主義喜劇

無諗過咁多人睇, 有97%+. 宣傳的"通識"喜劇起了效用? 但觀眾又唔似學生的年歲. 其實進念呢個系列的劇有D無聊, 係搞笑又唔多好笑.

幾樣野想講......

個靚妹..... 中學生...... PRESENT算係咁, 但無ENERGY......

鍾先生......剛剛先做完萬曆......咁快又上台......都OK勁.

文化中心批左成個月俾ZUNI......勁.

導演最尾播的"小莫小於水滴"...... (嘩真係暴露了我年齡秘密? 但我無LIVE睇過呢個廣告, 係之後睇返的~) 叫人要儲蓄? 好露骨......

--
Tiffany

全場FH. 彭小姐已經儲了很多觀眾. 包括好多單身女子約埋一齊睇同好多COUPLE. 其實一對情侶如果拍拖想睇話劇, 通常會揀彭小姐/詹先生, 因為包保唔會唔明呀...... (呢樣幾緊要) 焦小姐的戲反而多D上少少年紀的女性觀眾矢之的唔知是否常在上環區做)

我身旁的男子, 戴帽睇劇(其實成日都有)都幾無品......

劇情...... 都一般啦.

凱撒大帝/2月14/萬曆十五年/弒君2012

我知我爭左幾篇未寫...... 總之有拖無欠~

凱撒大帝: 19:45的門票在19:56先開場, 早知我就食埋野啦!! 同流的鄧先生及林先生都有份, 相信可能鄧導要求. 個人覺得林先生孭唔起anthony的角色. 我後面有觀眾帶埋個女做親子活動, 全程不斷解釋劇情. 可否買側邊無人坐的位?

鄧導都食左少少螺絲. 最好表現的是陳前輩的凱撒大帝. 之前好似只在"奧德羅"見佢演過戲, 好壓台!

杜先生個樣好凶...... 雖然角色需要, 但太過~ 好多人支持, 群眾戲有氣勢.

但最後果段真係好難頂...... :O 仲要搞咁耐, 成十點半先收場...... 好支力.

目測入座率: 60%? 荃灣大場算咁啦.

--
2月14: 七年前睇過REP, 今次想重溫下...... 郭小姐唱腔("有禮自信")好似REP黃小姐.

七年前已經係陳PHOEBUS先生伴奏, 仲記得當時佢勁望觀眾, 由於我成日望佢佢又成日望我. 今次係大台, 佢係望演員, FOCUS好多.

楊先生的FEATURING真係好一般, 唔知佢有無帶多左觀眾入場? 牛池灣黎講係好多觀眾, 不過好似好多中學生入場, 可能係觀塘區議會派飛!?

男一好一般, 郭小姐OK, 女的兩個短髮的較好.

目測入座率: 90%

--
萬曆十五年:究竟FIFTH RUN係五度重演定五度公演? 唔知點解之前無睇. 楊先生的國語好左, 無咁多吞口水聲 (舊年的中國建築一百年佢扮梁思成...... -_-)

同埋都係太長了...... 十一點收場. 完場聽到有說國語的觀眾話無諗過係獨白劇, 以為有恢宏場面......

目測入座率: 85% 開十場黎講唔錯啦.

--
弒君2012: 只開兩場, 因票房? 同凱撒大帝相比, 係演員人太少! 阮小姐唱歌唔多明歌詞...... 整體係幾悶.

睇過MACBETH四次的我以後都係少睇為妙. 同埋, 又係搞左成兩粒半鐘...... (無中場) 好支力架......

目測入座率: 70%

二度告白/開關係/呢劑, 俾唔起

二度告白: 近年覺得鄭小姐塊面怪怪地, 表情有D唔自然, 無以前咁靚. 第一次睇佢應該係文化中心裡面勁少觀眾的"與高行健玩遊戲"(依家都唔會再睇教主好戲量的戲了). 最搞笑有句台詞: 家下D好男人唔係結晒婚就有老婆架啦! (有分別咩? HAHA) 但鄭小姐唔GUT, 觀眾咪唔留意囉. 劉先生如常地OK. 劇本想講D野, OK啦. (好老生常談咁.) 好睇過舊年的"教我如何不愛爸"~

首場目測入座率:99% 不過聽聞太多場數都要告急.

--
開關係: 明白小龍導演講的藍海演出, 始終小人國都要演到第四回(下年). 回想起當年好初期睇舞台劇時其中一齣: 戀愛次貨. 當時合作的劉子騰先生現在已和專業團隊也無緣合作了.

講返套劇先! 呢套劇GRAND在佈景真係好靚!

劇本描寫愛情的狠太真實.

梁祖堯先生: 36歲 (今期東週講既)

陳康先生: 我估咪又得36? 同樣01年APA畢業. 睇落JOHNNY後生過JOE咁多~~ 陳先生唱的"低等動物": 由於係第一首, 我都唔知係LIVE!! 我以為係播EASON的CD!!! 好勁! 好似!!

講開又講: 我以前在中央圖書館摷d舊雜誌睇, 又係東週, 記得9x年份, 其中一本有訪問陳康先生, 當時係o靚仔的佢接受訪問係某慈善機構(樂善堂果類)的總理個仔. 唔記得內容講乜, 但我心諗: 唔怪得可以在呢行撈. 這也是一種恩賜~

話時話當年APA睇過陳先生不過無緣買到梁先生的演出...... 只在02年時睇"弒夫情案"見到梁先生支持同學演出在謝幕時的大力拍掌令我印象深刻......

十三場全線爆, 唔使講啦.

--
呢劑, 俾唔起: 同一天睇兩個葵青的演出, 我都忍唔住返一返家, 究竟有咩事可以讓我消磨三個小時? 在葵青?

第一次睇呢個劇團: 估唔到係FULL HOUSE. (唔只一場). 07年睇唔到APA的"俾唔起咪鬼俾", 10年又無緣睇"俠盜張師奶". 今次終於睇到呢個劇本. (沿用07年的翻譯)

估唔到演員做得幾好, 以男一做得較好.

努力~

2012末日.重生/夜鷹姊魅/最後晚餐/笑之大學

2012末日.重生: 少睇ballet的我因為hkdance的劉首席有份編舞而睇, 好悅目+funny. hkdance的兩位客席編舞都無出席謝幕, 我覺得係好subtle的有禮安排. :D

目測入座率: 99% (好多外國人)
--

夜鷹姊魅: 由創團作"鬼劇院"已有捧場的我無可否認近年不是"必睇"劇場工作室的作品, 原因是好難頂的"黑色幽默". (例: 黑色48樓/黑森林) 今次回復比較"寫實"而血淋淋的風格, 有驚喜.

賴慰玲小姐的青春真係幾無敵. 不過佢未似30歲......

陳郁憲先生繼續sunny boy :D

目測入座率: 60%? 睇場刊發現原來工作室近年大部份作品都係lcsd主辦, 咁都唔使咁care票房啦? (新域都係走同一路線...... 只run lcsd主辦的演出)
--

最後晚餐: 舊年唔知點解無睇首演. 好寫實的劇. 刻劃左社會某個階層...... 的透不過氣的生活. 建議: 俾名牌中學生的同學們去睇下, 令佢地知道低下階層的生活?

劉先生真係好適合做憤世嫉俗的角色...... 雷前輩真係做到好無知的上年紀婦孺......

出場幾分鐘的孫前輩...... 好勁. 如果無篤爆, 我真係無留意佢件衫係三文魚色! (預左俾人殺!)

目測入座率: FH! REP 真係勁~
--

聽聞今年無睇的"笑之大學" FH, 其他票房欠佳的劇場亦要諗下人地係經過數年去RUN出呢個成績: 記得FIRST RUN唔FULL.

我睇過First Run, 跟住知道Second Run 掉轉兩個CAST黎演, 所以買左頭ROUND飛. 睇完即再買另一張飛第二ROUND睇返原CAST! 我想講...... 鄧導雖然憑審批官員的角色得劇帝獎, 但佢演作家仲CUTIE!! :D 好記得佢為角色設計的"吹筆"小動作!!!

--
唔記得講: 半生緣買貴左飛!! 因ZUNI有套票優惠!! :( 果陣我唔知!

突然獨身/半生緣

繼續預告: 失身1234/坷廬謀殺案/風之后/兩個盛女一個墟

突然獨身: 十年前記得有買過呢本書, 所以之後在"攣到爆"見到桑拿一幕時有似曾相識的感覺.

全場觀眾>80%是男士. :D 大家好放, 睇得投入, 氣氛好好~ 負責訂票的人很有心: 安排女觀眾坐在一行. :D

蔡澤民先生可能已是男同界最受歡迎的o靚仔?! :D 盧俊豪先生估唔到咁放, 最後一幕眼神好耐人尋味 :D

之前睇"芝人口面不芝心"有講過原來男同有BEAR BEAR. 例子: 肥的麥包. 盧先生可能係呢種 :DD

黃兆輝先生第一次睇佢係十年前的"嘴對嘴", 已是男同. 之後"夏日煙雲"做得好好, 近年唔多見佢演出, 有點可惜.

張學良先生+白健恩先生稱職. 之前無留意白先生, 佢"也母也母"地好得意~ 把聲有D似王耀祖先生......

全場fh, 但我果行中間有五張空椅~

作為王菲fans私人問: 如果林蓮聖母當年無在cr唱live多得他, 會唔會播呢隻? :ppppp
--

半生緣: 九年前進念+非常林奕華邀請了劉若英小姐演出顧曼楨一角. 記得在葵青劇院見到告示牌, 嚇了一跳, 本來兩小時的running變了三小時! (當年唔興咁耐)

當年已是圖書室的佈景, 還有張艾嘉小姐的獨白.

當年都有新嘗試: 有一幕是相聲. 記得林導有撰文寫過意思.

不是說今次不好, 但那次更好. 這次是缺了荒涼感.

今年...... 多了很多說普通話的觀眾......

全場fh! circle/upper都好似>90%!

聖訴/一屋寶貝最終回/玻璃偵探

預告: 失身1234/坷廬謀殺案/風之后

呢三套一路預告未寫, 要清清欠稿~

聖訴: 無睇過電影. 各演員如常OK. 張雅麗小姐的不誇張黑人膚色但又有少少TAN剛剛好.

演後座談鄧導點名叫坐位中的各位同行講野~ 有焦媛小姐/黃詠詩小姐/朱柏謙先生等等.

各人都話好耐無睇傅前輩擔重戲, 十多年前有看過"細語後花園", 當時劇齡尚淺, 不知乃是前輩~ 不過今次正如鄧導講, 前輩未經熱身, 食了點螺絲~

一個多小時剛剛好~ 有時D劇太長好支力......

導演話之前得好少票房, 但目測有70-80%. 可能前輩的好多馬交朋友捧場~

--
一屋寶貝最終回: 睇過二度/三度. 始終是陳康先生最生鬼. 遺憾無睇過張小姐演曉子. (二度時聽到有觀眾講張小姐好過羅小姐)

鄭小姐唱OK, 聽到好多人話佢肥...... (係同朱先生無乜襯的感覺)

頭一幕英晴知道自己死果隻歌, 之前被人詬病動作太大, 明顯編排過, 好好多.

其他都唔錯, 一貫水準. (想講年頭的"星夢塵緣", 果套真係嚇死人地難頂......)

入座率: 唔使目測! 勁貴都FH!

--
玻璃偵探: 古導演今次做演員, 係故意同其他人格格不入, 我明. 但佢D對白節奏令我懷疑佢係甩對白.

其他無乜突出, 楊螢映小姐初入團便擔大旗, 表現OK. 回想舊年我想割椅的"月老", 真係好難頂, 問題佢唔係話好靚好柔情果隻, "月老"就演得麻麻.

一路睇一路諗起日本的社會派推理小說, 同埋相棒某幾集的劇情, 好多事夾埋令一個人對生活心灰意冷......

導演的"經典"佈景真係好GRAND. 好靚!

目測入座率: 70-80%

芳華絕代之曇花一現/並談大失戀/一千零一夜

芳華絕代之曇花一現: 正如前所說: 票房告急, 買1送1, 我就問下我個friend, 佢話有興趣. 睇完, 我地一致結論: 唔會敢叫一d從來唔入劇場既朋友睇唔知講乜既戲. 唔知講乜係包括單憑劇名唔知講乜同埋睇完都唔知講乜.

票房失利原因好大部份係唔知講乜囉...... 同埋睇左都唔係好知想講乜...... 我都認慮淺...... 一路青空的劇一路都有看, 逍遙遊好funny, 一千零一夜悶到震, 大失戀驚喜在利前輩+劇情特別 (但起碼有劇情).

想講有時睇完某d劇我會覺得係"自我陶醉"劇(更不雅的名稱我就無謂講啦). 要觀眾慢慢接受的話要教育的, 呢方面我覺得風車草做得幾好. 你要怪觀眾"唔識貨"的話, 只有繼續怪.

(即係咁, 同期的坷廬謀殺案fh的原因除左可能香港有好多agatha christie的fans外係大家知道 what to expect, 風之后同理)

完全唔多想講......

目測入座率: 經過買1送1後都係60%左右.

--
一千零一夜: 開兩面台, 我坐ax果面側邊位, 近演員出台位, 全程聽到演員/幕後行來行去踏踏踏地板聲, 勁分心.

散場時聽到有人話: 眼高手低, 文本改編成drama調度不足.

--
大失戀: 全部滿座, 可能lcsd宣傳好勁+劇名ok. 從來無睇過利前輩做戲. 開場前隔離果位觀眾係咁同前面的觀眾講野, 原來前面果位係滿道先生~

一老一少的設定比較少見, 小商場的髮型屋好親切. 我成日以為結局會有twist: 例如原來女子係老人個女咁原來唔係.

利前輩把聲好吸引, 好壓場~

赤色 藍房間

唉, 去葵涌廣場食餃子, 遲左上菜! 又熱又食得慢! 搞到遲左五分鐘到場, 要在外面看tv. 但tv又細聲又人聲雜基本上都聽唔到.

由於知道係九年前的"赤之禁室"的另一版本, 所以知道係"圓舞"結構, 心諗第一場後會放人, 點知原來係第二場! :(

又要講歷史, 十年前睇"戀愛輕飄飄", 在麥高利上演, 放工去睇, 無遲到但已坐滿, 係坐滿! 無位! 點解? 因為不設劃位, 有人坐得好鬆, 三個人坐四個位就搞到無位! 帶位又唔理!

後尾佔位果位人兄自己坐返開. 由於呢套口水歌舞台劇係由演員在正式開場前暖場, 所以我咁尷尬既場面就俾演員梁榮忠先生揶揄. 自此我好討厭梁先生.

不過講返今次演出, 同九年前個版本感覺唔同, 首先原來係改編的版本不同 (1900 VS 1998), 另外係大膽程度減輕, 相信某程度係導演的取捨.

梁先生ok. 不過我主要係想睇高小姐. 高小姐的表現幾好, 做靚模果場的聲線運用好正~

呢個演出係一年前佢地的演藝畢業作, 場刊亦有提首演導演(讚!). 記得舊年睇某blog都有人寫觀後感. 我都想知呢d內部演出外人可以點知同點拎飛!??

完場時佢地都有提到今星期有十一個演出~ (我上一篇都有提~) 太多演出->票房未必理想, 無辦法!

目測入座率: 80%