目測入座率: 75%
--
資本.論: 上海的劇團, 演出OK, 劇本的"金融"常識如果有睇報紙會熟悉. 喜劇黎講不錯. 我最掛心的係現場觀眾: 一蚊換兩蚊, 兩蚊換十蚊, 十蚊換一百蚊, 最後俾一百蚊出黎果位觀眾咪蝕大本? 我又唔見有叫人地最後換返喎......
目測入座率: 75%
--
極地情聖: 十二年前有睇過螳螂捕蟬, 印象已極度模糊. 今次係高手過招, TWIST完再TWIST. 留意到梁先生在黃先生訴說對JENNIFER的鍾愛時臉上的表情. 又愛又恨. 佈景好正. 燈光好正~ 極光勁靚~ 場地係太大...... 貴飛值得俾.
劇本確係一絕~
目測入座率: FH
趙先生的演出, 正如前POST所講, 上個學期的"終成眷屬"已有留意, 因為佢個樣 (OK, 第一印象當然係樣架喎~) 係唔同一般果種樣, 有D混血少少又單眼皮, 唔可以叫靚仔但好有魅力. :D 今次仲要有大量的半裸場面, 成套劇裡面的族人好似係得佢咁樣, 唔知係咪因為要突出男主角定係得佢操得咁FIT?
再GOOGLE一下, 發現趙先生在"同流"的"山羊"裡有份參與劇本評論, 其英文用字水平都幾高...... 我估計HKCEE係拎A的程度.
話說我係SHOW前一日先買飛都買到, 但入場係全滿, 有D奇...... 但APA好似會俾飛學生睇, 可能因為咁......
--
秀才與劊子手: 黃導又係加入左APA首導之作, 睇得出好有心. 中段有好多GREEK 面具的型體, 木偶, 飛天豬 (勁!!!!!!! 數過應起碼有60隻+), 竹, 等等.....
兩男一女主角做得好好, 再加埋控製木偶+講咪的那位, 個個睇得出係出盡力. 當然導演功不可沒, 如何好好運用演員. 青春的演員的ENERGY好好地運用可以好好睇.
講講主角刑先生. (話說場外有刑先生父母及兩位姐姐的花牌, 三姐弟的名字好有心思. 又話說GOOGLE到刑先生兩年前拎獎學金的報導, 更加感動)
刑先生由開頭的"驕揚拔扈", 演到中段失魂落魄痛哭, 情緒控制得宜. 再加上又有半裸片段 (個人黎講當然係正. :D~)同埋被受誘惑時的軟弱, 睇到多面性......
許先生身兼填詞, 又有手翻, 肌肉都練得好勁, 同埋真係好陽剛氣. 演的果種屠夫的"無知"/"樂天"等等, OK有層次.
最尾最尾, 台上掉了大堆的"粉"? 前排觀眾都染到成身都係. HAHAHA. "永遠的微笑"的歌聲.
政策改變對百姓的無奈. 我都有看到了.
八成觀眾, 值得FULL HOUSE!
BRAVO to these two dramas! esp. to the latter, i enjoyed that sooooooooooooo much.
no time to talk now, talk later~~
and of coz, the chaaaaaaaaaaaaaarming male leads at these two dramas, mr chiu chi-wai (oops i already paid attention to him in last year's "all's well ends well" too. and mr. ying ho in the latter drama. soooooooooooooo charming hehe and acted so well. last time i felt this in apa current student was angus in hamlet back in like 7 years ago...
梁先生我估唔使"演技再培訓"...... 佢扮的兩堂兄弟, 一個白痴一個"精英", 雖然分別係ok, 但做戲係欠左細膩. 我係覺得講野有d癡月利筋.
其他的都唔太記得~ o靚仔叫ok.
--
臭格: 舊年睇左讀戲劇場, 今年睇, 豐富好多. 邱先生之前擔的大旗成日做"懶"好人(例:2月14/有飯自然香等等), 一係就卡里古拉咁激. 可惜當年無在apa睇flowers for algernon, 淨係有睇過"愛在紅樓"(舊年好似有劇團rerun但miss左)
今次睇得出佢好"wild"的一面, 情緒起伏好大. 正如演後座談所說, 真相唔重要, 每人知道的是如何在這社會中保護自己. 唔, 所以要請律師.
目測入座率: fh
--
兩隻狗的生活意見:內地的"二人轉"都係第一次睇, 感覺新鮮, 而話題亦似乎有社會性, ok啦. 聽力不大好...... 有d聽唔明.
目測入座率: 90%
痴戀著/一: 無乜特別. OK. 起碼有劇情, 謝幕時前輩已走, 相信是太夜!
納蘭: 蒙小姐由APA時都成日做D好"聖女"FEEL的角色, 今次都係, 但佢跳舞真係唔多好睇.
致群40。致敬:革命不是XXXX, 我估係向"斜路黃花"致敬? 行為藝術真係唔識欣賞, 最估唔到係有女性裸露上身的場面. (呢個其實唔係重點亦唔應該HIGHLIGHT, 我只係O左嘴, 估唔到即)
中環遇見兩生花: 估計大部份觀眾係因為呢套而買, 平平穩穩, 演員OK. 不過我睇完都唔多明究竟黃小姐同邵小姐係咩關係...... 無乜慧根.
天天: 跳舞好睇好多. 陳小姐在"中"時已出場, 接得好.
夢兮: 好得意, 原來係貫穿全場的手法.
何來七千幾: 由於對白出現"遺禍人間", 估計同該劇有關. 但我無睇所以唔多明. 對面有一行年輕女觀眾, 估計是中學生, 聽到一句粗口就笑一次, 頂, 咁笑左好多次啦. 前世未聽過粗口? 使唔使表現自己咁純情? 定響同學面前要咁? 唉.
完場時的打鼓, 潘導都來了. 心諗, 咦你唔係響牛池灣咩? 係喎好夜囉喎, 坐車都黎得切. 仲有陳小姐助拳, (所以無謝幕) 呢個係最感動時刻. I MEAN 打鼓.
完場時余先生叫觀眾推薦其他人黎睇, 又係果句, 我唔敢叫人睇呢D製作喎......
四面台一面大約30%, 一面估計80%, 全場目測入座率: 53%
--
藍花花: 星期六的夜場俾贊助商包了, 只好買周日, 好彩! 原來又有兩個CAST, 個人喜好當然是劉首席. (純屬個人喜好, 與舞技無關).
潘小姐加盟了一年, 套套擔正, 相信升職指日可待. 佢的身體動作的確好好睇好柔軟.
劉首席在第一幕全場男舞員赤裸上身時好明顯係白過其他人...... :O
九唔搭八咁耐, 講返正題, 舞劇劇情OK感人, 表現如常地OK. 最唔明係謝幕最後係企足全場無乜郁的"歌者"? 定我睇唔清楚呢?
完場時的簽名會係兩個CAST齊備, 好好的安排~
目測入座率: 80% - 只計STALLS, 樓上睇唔到......
--
唉, 今朝10:15接到渣兜銀行SELL LOAN, 如果起左身就唔使趕的士! 的士司機好有雷氣停在我前面而唔係後來夾硬在我後面截的士的一家大細!
但佢唔過海, 要我轉的士. :O 問題係咁既時間過海, 同搭地鐵差唔多時間咋!!
在場有好多觀眾都是一堆女人去睇的, MARKETING定位清晰. 今年的劇情鬆散, 同"中女"無乜關係, 都係兩性關係野. 將時下流行的網上話題炒埋一碟, 包括火腩飯潮文, 日本宅男教你一個人扮影兩個人相, 整容等等......
我的笑點太"高"...... 全場都只係笑左一次. 對於仍在愛海迷失的女子們有鼓勵作用.
目測入座率: 90%
--
留守太平間: 舊年年頭好俾面地將我的第二次去屯門睇SHOW俾左佢...... (第一次係:MISS杜十娘)
舊年: 前輩馮先生勁食螺絲同埋感覺好老...... (同十年前果個版本比) 感覺是JOHNNY陳先生非常恰當但馮先生有點違和. 今年重演馮先生好好多, 陳先生更加感覺瀟灑遊刃有餘. 自信滿滿. 男人果然是3X歲黃金時期. 十二年前睇"玩偶之家"果時發聲的鼻音勁到呢...... 依家完全改進晒.
原來有B CAST! 可惜我唔知~ 唔係可能會睇下...... 鄧導的表現啦當然係. 林先生...... 我覺得佢未到"自命天才"的感覺. (雖然在APA時期的"馴悍記"/"縛愛"有果種FEEL, 但依家反而無)
場刊寫"首演"的燈光設計為另一人, 唔, 係咪應該寫明"同流首演"? 首演係十年前中英喎.
十年前到依家睇左五次, 可能係我睇一套劇最多次數, 劇情經過舊年睇返而RECALL. 不過舊年同今年都因身體狀況不佳而好眼訓...... 唉 :(
完場聽到鄰座男觀眾話: 咦, 乜原來佢地兩個識架? 一滴汗在我臉上流過...... -____-'' :O
全場滿座! 原因是劇目宣傳好勁? 好有口碑?
果日先諗起, 十年前又係咁上下時間(十二月)睇APA的"嘴對嘴", 當時有湯駿業先生/王耀祖先生/黃兆輝先生...... 果陣已經好有印象...... 咁多年來我對湯先生的印象係APA時做得好過劇團時期的佢. 可能係我覺得佢的搞笑劇太過於想搞笑 (例: 小人國). 正劇時又成日拍住梁祖堯, 有所比較...... 同埋成日做D比較灰暗的角色. 今次雖然灰暗但又不失樂觀. 我係覺得佢係TOO HANDSOME FOR JOHNNY. 雖然已經留左鬚...... :O 同埋學佢話齋, 咁筍盤, 唔似咁失意囉~ 但相信不少女觀眾會好LUM~ 我旁邊果位觀眾忍唔住喊添.
我都要講, 今次做得幾好, 係女都應該會lum既. 除非好似女主角咁慘就無計. 情形似之前tbb套巴不得媽媽咁, discuss d人都話做乜大隻謙做乜追泥水妹咁耐, 泥水妹都驚驚青青唔接受, 的確有女仔係會咁的.
bent... 又係1x年前apa做的屈獄情, 當年梁先生已有份做(我無睇過). 今次竟然仲有梁浩邦先生, 真係有d興趣. (對於梁浩邦先生, 其實無特別喜愛. 但之前見到有人話佢要"演技再培訓"反而令我更加留意下...... hahaha 遲d講返之前果套"末日怪物"先.
本BLOG主比較鍾意評論男演員...... 以上.
目測入座率:98%
--
0382: 口述歷史劇對我呢個鍾意聽舊野既人黎講梗係MUST SEE. 何秀萍小姐踏台板...... 以前太細個無睇過. :O
臨尾十五分鐘, 三位 (演員!?) 在台上齋篤電話唔出聲. 我旁旁邊位男觀眾同鄰座女觀眾講話不如我地上去問下佢地究竟睇電話睇乜? 又有幾次有觀眾拍手企圖拍完走? 我又諗起當年林奕華套我x學校(定第套?), 台上學生足足舉足四十分鐘唔郁唔出聲,仲勁...... hahaha. 真係未見過大蛇痾尿.
最後最後, 可能無乜人留意, 幕黑時, 隻電子蟲係在地上不停轉的.
目測入座率:80%
--
我真係好想問文化中心係咪淨得一個場地伙伴? 進念真係幾威......
http://www.timable.com/event.php?eid=43022
完不了的最後一課: 朱先生加盟中英第一擊. 宣傳上很突出朱先生, 不過估不到原來戲份只得一場(及最尾的驚鴻一瞥~)場刊仲要排第一...... 勁~
皇仁校友相信會更投入, 作為一般觀眾的我覺得above avg... 一貫中英的香港情懷劇.
朱先生的表演好似"好想藝術"裡面咁......
關頌陽先生好似好耐以前睇糊塗戲班有睇過, 老了很多......
盧偉力先生都係少演好d...... (上次他導的"馬桶", 見到他身邊的老婆, 忘記了原來是黃曼凝小姐添, 睇到場刊鳴謝先記得)
姚安遜先生有d似大隻謙...... :O
最尾大晒冷, 高小姐的素顏都幾素下......
目測入座率: 無五成...... 第一場未WARM?
--
資本主義喜劇
無諗過咁多人睇, 有97%+. 宣傳的"通識"喜劇起了效用? 但觀眾又唔似學生的年歲. 其實進念呢個系列的劇有D無聊, 係搞笑又唔多好笑.
幾樣野想講......
個靚妹..... 中學生...... PRESENT算係咁, 但無ENERGY......
鍾先生......剛剛先做完萬曆......咁快又上台......都OK勁.
文化中心批左成個月俾ZUNI......勁.
導演最尾播的"小莫小於水滴"...... (嘩真係暴露了我年齡秘密? 但我無LIVE睇過呢個廣告, 係之後睇返的~) 叫人要儲蓄? 好露骨......
--
Tiffany
全場FH. 彭小姐已經儲了很多觀眾. 包括好多單身女子約埋一齊睇同好多COUPLE. 其實一對情侶如果拍拖想睇話劇, 通常會揀彭小姐/詹先生, 因為包保唔會唔明呀...... (呢樣幾緊要) 焦小姐的戲反而多D上少少年紀的女性觀眾矢之的唔知是否常在上環區做)
我身旁的男子, 戴帽睇劇(其實成日都有)都幾無品......
劇情...... 都一般啦.
凱撒大帝: 19:45的門票在19:56先開場, 早知我就食埋野啦!! 同流的鄧先生及林先生都有份, 相信可能鄧導要求. 個人覺得林先生孭唔起anthony的角色. 我後面有觀眾帶埋個女做親子活動, 全程不斷解釋劇情. 可否買側邊無人坐的位?
鄧導都食左少少螺絲. 最好表現的是陳前輩的凱撒大帝. 之前好似只在"奧德羅"見佢演過戲, 好壓台!
杜先生個樣好凶...... 雖然角色需要, 但太過~ 好多人支持, 群眾戲有氣勢.
但最後果段真係好難頂...... :O 仲要搞咁耐, 成十點半先收場...... 好支力.
目測入座率: 60%? 荃灣大場算咁啦.
--
2月14: 七年前睇過REP, 今次想重溫下...... 郭小姐唱腔("有禮自信")好似REP黃小姐.
七年前已經係陳PHOEBUS先生伴奏, 仲記得當時佢勁望觀眾, 由於我成日望佢佢又成日望我. 今次係大台, 佢係望演員, FOCUS好多.
楊先生的FEATURING真係好一般, 唔知佢有無帶多左觀眾入場? 牛池灣黎講係好多觀眾, 不過好似好多中學生入場, 可能係觀塘區議會派飛!?
男一好一般, 郭小姐OK, 女的兩個短髮的較好.
目測入座率: 90%
--
萬曆十五年:究竟FIFTH RUN係五度重演定五度公演? 唔知點解之前無睇. 楊先生的國語好左, 無咁多吞口水聲 (舊年的中國建築一百年佢扮梁思成...... -_-)
同埋都係太長了...... 十一點收場. 完場聽到有說國語的觀眾話無諗過係獨白劇, 以為有恢宏場面......
目測入座率: 85% 開十場黎講唔錯啦.
--
弒君2012: 只開兩場, 因票房? 同凱撒大帝相比, 係演員人太少! 阮小姐唱歌唔多明歌詞...... 整體係幾悶.
睇過MACBETH四次的我以後都係少睇為妙. 同埋, 又係搞左成兩粒半鐘...... (無中場) 好支力架......
目測入座率: 70%
首場目測入座率:99% 不過聽聞太多場數都要告急.
--
開關係: 明白小龍導演講的藍海演出, 始終小人國都要演到第四回(下年). 回想起當年好初期睇舞台劇時其中一齣: 戀愛次貨. 當時合作的劉子騰先生現在已和專業團隊也無緣合作了.
講返套劇先! 呢套劇GRAND在佈景真係好靚!
劇本描寫愛情的狠太真實.
梁祖堯先生: 36歲 (今期東週講既)
陳康先生: 我估咪又得36? 同樣01年APA畢業. 睇落JOHNNY後生過JOE咁多~~ 陳先生唱的"低等動物": 由於係第一首, 我都唔知係LIVE!! 我以為係播EASON的CD!!! 好勁! 好似!!
講開又講: 我以前在中央圖書館摷d舊雜誌睇, 又係東週, 記得9x年份, 其中一本有訪問陳康先生, 當時係o靚仔的佢接受訪問係某慈善機構(樂善堂果類)的總理個仔. 唔記得內容講乜, 但我心諗: 唔怪得可以在呢行撈. 這也是一種恩賜~
話時話當年APA睇過陳先生不過無緣買到梁先生的演出...... 只在02年時睇"弒夫情案"見到梁先生支持同學演出在謝幕時的大力拍掌令我印象深刻......
十三場全線爆, 唔使講啦.
--
呢劑, 俾唔起: 同一天睇兩個葵青的演出, 我都忍唔住返一返家, 究竟有咩事可以讓我消磨三個小時? 在葵青?
第一次睇呢個劇團: 估唔到係FULL HOUSE. (唔只一場). 07年睇唔到APA的"俾唔起咪鬼俾", 10年又無緣睇"俠盜張師奶". 今次終於睇到呢個劇本. (沿用07年的翻譯)
估唔到演員做得幾好, 以男一做得較好.
努力~
目測入座率: 99% (好多外國人)
--
夜鷹姊魅: 由創團作"鬼劇院"已有捧場的我無可否認近年不是"必睇"劇場工作室的作品, 原因是好難頂的"黑色幽默". (例: 黑色48樓/黑森林) 今次回復比較"寫實"而血淋淋的風格, 有驚喜.
賴慰玲小姐的青春真係幾無敵. 不過佢未似30歲......
陳郁憲先生繼續sunny boy :D
目測入座率: 60%? 睇場刊發現原來工作室近年大部份作品都係lcsd主辦, 咁都唔使咁care票房啦? (新域都係走同一路線...... 只run lcsd主辦的演出)
--
最後晚餐: 舊年唔知點解無睇首演. 好寫實的劇. 刻劃左社會某個階層...... 的透不過氣的生活. 建議: 俾名牌中學生的同學們去睇下, 令佢地知道低下階層的生活?
劉先生真係好適合做憤世嫉俗的角色...... 雷前輩真係做到好無知的上年紀婦孺......
出場幾分鐘的孫前輩...... 好勁. 如果無篤爆, 我真係無留意佢件衫係三文魚色! (預左俾人殺!)
目測入座率: FH! REP 真係勁~
--
聽聞今年無睇的"笑之大學" FH, 其他票房欠佳的劇場亦要諗下人地係經過數年去RUN出呢個成績: 記得FIRST RUN唔FULL.
我睇過First Run, 跟住知道Second Run 掉轉兩個CAST黎演, 所以買左頭ROUND飛. 睇完即再買另一張飛第二ROUND睇返原CAST! 我想講...... 鄧導雖然憑審批官員的角色得劇帝獎, 但佢演作家仲CUTIE!! :D 好記得佢為角色設計的"吹筆"小動作!!!
--
唔記得講: 半生緣買貴左飛!! 因ZUNI有套票優惠!! :( 果陣我唔知!
突然獨身: 十年前記得有買過呢本書, 所以之後在"攣到爆"見到桑拿一幕時有似曾相識的感覺.
全場觀眾>80%是男士. :D 大家好放, 睇得投入, 氣氛好好~ 負責訂票的人很有心: 安排女觀眾坐在一行. :D
蔡澤民先生可能已是男同界最受歡迎的o靚仔?! :D 盧俊豪先生估唔到咁放, 最後一幕眼神好耐人尋味 :D
之前睇"芝人口面不芝心"有講過原來男同有BEAR BEAR. 例子: 肥的麥包. 盧先生可能係呢種 :DD
黃兆輝先生第一次睇佢係十年前的"嘴對嘴", 已是男同. 之後"夏日煙雲"做得好好, 近年唔多見佢演出, 有點可惜.
張學良先生+白健恩先生稱職. 之前無留意白先生, 佢"也母也母"地好得意~ 把聲有D似王耀祖先生......
全場fh, 但我果行中間有五張空椅~
作為王菲fans私人問: 如果林蓮聖母當年無在cr唱live多得他, 會唔會播呢隻? :ppppp
--
半生緣: 九年前進念+非常林奕華邀請了劉若英小姐演出顧曼楨一角. 記得在葵青劇院見到告示牌, 嚇了一跳, 本來兩小時的running變了三小時! (當年唔興咁耐)
當年已是圖書室的佈景, 還有張艾嘉小姐的獨白.
當年都有新嘗試: 有一幕是相聲. 記得林導有撰文寫過意思.
不是說今次不好, 但那次更好. 這次是缺了荒涼感.
今年...... 多了很多說普通話的觀眾......
全場fh! circle/upper都好似>90%!
呢三套一路預告未寫, 要清清欠稿~
聖訴: 無睇過電影. 各演員如常OK. 張雅麗小姐的不誇張黑人膚色但又有少少TAN剛剛好.
演後座談鄧導點名叫坐位中的各位同行講野~ 有焦媛小姐/黃詠詩小姐/朱柏謙先生等等.
各人都話好耐無睇傅前輩擔重戲, 十多年前有看過"細語後花園", 當時劇齡尚淺, 不知乃是前輩~ 不過今次正如鄧導講, 前輩未經熱身, 食了點螺絲~
一個多小時剛剛好~ 有時D劇太長好支力......
導演話之前得好少票房, 但目測有70-80%. 可能前輩的好多馬交朋友捧場~
--
一屋寶貝最終回: 睇過二度/三度. 始終是陳康先生最生鬼. 遺憾無睇過張小姐演曉子. (二度時聽到有觀眾講張小姐好過羅小姐)
鄭小姐唱OK, 聽到好多人話佢肥...... (係同朱先生無乜襯的感覺)
頭一幕英晴知道自己死果隻歌, 之前被人詬病動作太大, 明顯編排過, 好好多.
其他都唔錯, 一貫水準. (想講年頭的"星夢塵緣", 果套真係嚇死人地難頂......)
入座率: 唔使目測! 勁貴都FH!
--
玻璃偵探: 古導演今次做演員, 係故意同其他人格格不入, 我明. 但佢D對白節奏令我懷疑佢係甩對白.
其他無乜突出, 楊螢映小姐初入團便擔大旗, 表現OK. 回想舊年我想割椅的"月老", 真係好難頂, 問題佢唔係話好靚好柔情果隻, "月老"就演得麻麻.
一路睇一路諗起日本的社會派推理小說, 同埋相棒某幾集的劇情, 好多事夾埋令一個人對生活心灰意冷......
導演的"經典"佈景真係好GRAND. 好靚!
目測入座率: 70-80%
票房失利原因好大部份係唔知講乜囉...... 同埋睇左都唔係好知想講乜...... 我都認慮淺...... 一路青空的劇一路都有看, 逍遙遊好funny, 一千零一夜悶到震, 大失戀驚喜在利前輩+劇情特別 (但起碼有劇情).
想講有時睇完某d劇我會覺得係"自我陶醉"劇(更不雅的名稱我就無謂講啦). 要觀眾慢慢接受的話要教育的, 呢方面我覺得風車草做得幾好. 你要怪觀眾"唔識貨"的話, 只有繼續怪.
(即係咁, 同期的坷廬謀殺案fh的原因除左可能香港有好多agatha christie的fans外係大家知道 what to expect, 風之后同理)
完全唔多想講......
目測入座率: 經過買1送1後都係60%左右.
--
一千零一夜: 開兩面台, 我坐ax果面側邊位, 近演員出台位, 全程聽到演員/幕後行來行去踏踏踏地板聲, 勁分心.
散場時聽到有人話: 眼高手低, 文本改編成drama調度不足.
--
大失戀: 全部滿座, 可能lcsd宣傳好勁+劇名ok. 從來無睇過利前輩做戲. 開場前隔離果位觀眾係咁同前面的觀眾講野, 原來前面果位係滿道先生~
一老一少的設定比較少見, 小商場的髮型屋好親切. 我成日以為結局會有twist: 例如原來女子係老人個女咁原來唔係.
利前輩把聲好吸引, 好壓場~
由於知道係九年前的"赤之禁室"的另一版本, 所以知道係"圓舞"結構, 心諗第一場後會放人, 點知原來係第二場! :(
又要講歷史, 十年前睇"戀愛輕飄飄", 在麥高利上演, 放工去睇, 無遲到但已坐滿, 係坐滿! 無位! 點解? 因為不設劃位, 有人坐得好鬆, 三個人坐四個位就搞到無位! 帶位又唔理!
後尾佔位果位人兄自己坐返開. 由於呢套口水歌舞台劇係由演員在正式開場前暖場, 所以我咁尷尬既場面就俾演員梁榮忠先生揶揄. 自此我好討厭梁先生.
不過講返今次演出, 同九年前個版本感覺唔同, 首先原來係改編的版本不同 (1900 VS 1998), 另外係大膽程度減輕, 相信某程度係導演的取捨.
梁先生ok. 不過我主要係想睇高小姐. 高小姐的表現幾好, 做靚模果場的聲線運用好正~
呢個演出係一年前佢地的演藝畢業作, 場刊亦有提首演導演(讚!). 記得舊年睇某blog都有人寫觀後感. 我都想知呢d內部演出外人可以點知同點拎飛!??
完場時佢地都有提到今星期有十一個演出~ (我上一篇都有提~) 太多演出->票房未必理想, 無辦法!
目測入座率: 80%
今次由潘導, 多左好多音樂 (好似apa今年潘導編劇/陳曙曦導的李逵的藍與黑, 亦是陳瑋聰先生有份演的, 兩套都同樣有雪櫃~~)
李導時好似個棚勁好多. 今次個棚好弱下...... 中段飛左隻好似幪面超人太快睇唔清~ 尾段又有飛蜘蛛, 同譚指導自己導演的"搜索達文西"都好似.
陳瑋聰先生之前有睇過在apa的無罪/李逵的藍與黑, keep住咁上下, 我覺得佢的對白唔係太清楚.
黃天恩先生之前在apa的演出有印象的係戀戀仲夏/終成眷屬, 好似都係做d反反地派既. 把聲太尖/身材唔夠大隻...... 如果練"科"d可走型男路線, 依家硬係奸奸地咁.
李穎蕾小姐同曾浩嵐小姐都係apa畢業但我完全唔記得佢地做過乜~ (無睇過舊年的三姐妹rerun, 但估返同今次, 唔通又係李小姐=莫小姐, 曾小姐=邵小姐? :O)
想講係李小姐今年在hkaf的編劇作品我係覺得勁悶......
最後係想講票房真係差, 最多得40%. 我仲"睄"到有人張飛寫住四十蚊!!! (真係有唔開心!) 同係lcsd主辦的, 今年的"大失戀"/"happy togather"(都係新域)都full house, 係咪西灣河係大場? 或者係劇名太奇怪? 我無睇舊年的"三姐妹"rerun唔知當時係點...... 人間系列都無睇, 可能一路票房都係咁?
雖然劇團唔使蝕(因lcsd包底), 但可能影響日後資助?
跟住下禮拜的"芳華絕代"又票房告急, 鬼咩, 下weekend有11演出! 太多了~
打轉教室(睇過首演, 今次唔會睇了)/坷廬謀殺案(已買票與友人睇)/沒有故事的故事/安東尼奧尼猜想/售氣帝國(想睇但已買晒其他票, 無時間睇)/風之后(買左飛睇張小姐CAST)/今晚我要去飲?/赤色‧藍房間(已買票, 即係當年焦媛的赤色禁室)/芳華絕代之曇花一現(已買票)/音樂劇─月缺巴黎/閃亮登場
演後座談會發現原來好多觀眾係內地黎既, 被課本上的江青的描寫洗腦了. (編劇沙先生的發言及文章好勇敢, 是一位仁慈的長者)
導演謝幕時重覆提及他只是覆排導演. (令我想起胖侶的RERUN與首演不同導演但也沒提及本來導演, 其他的RERUN我無特別留意.) 高先生好尊重幕後人員. (再見諸每位演員謝幕時都有字幕配合)
又話說首演導演梁先生導的"大東亞異人娼館"及"神話江湖"睇到我R晒頭, 但呢次呢套經高導在座談會中談及音樂/舞蹈等的處理, 我又覺得係OK. 但因忘記了首演的劇情, 唔知高先生有幾多新野. (桌子圍成監獄首演係有, 但首演有無最尾"上吊"我真係忘記埋~~)
高先生問有無人不知爭椅子~ (唔識打DUNG仔) 是爭權. 都有一兩個. 其實我留意到字幕的處理是劇名是紅字, 大部份劇情是綠字, 但1967年10月那段開始是紅字. 觀眾可能忙於睇焦媛爭椅子坐, 無留意字幕是"文化大革命 十年動亂! 十年浩劫!" 沙先生我真是敬佩你.
到毛主席起身講野先變返綠字.
男人有四個, 椅子有四張. 字幕是簡體的.
身邊的男人一家三口帶左細路仔去睇想進行歷史教育?! 但細路仔覺沉悶打喊露.
焦小姐演得好好. 不過有一句我留意字幕焦小姐好似讀錯了對白. (有親字幕視線就不其然分了心) "如果我不能做一個英雄, 我就嫁一個英雄", 掉轉左黎講, 中間仲有D DEAD AIR, 唔知係咪諗緊點兜?
李潤祺先生真係幾似毛主席 (首演已覺)
唐曉楓先生APA畢業後第一次見佢演出. (APA睇過佢的縛愛/縛愛(3度)/血還血) 縛愛/縛愛(3度)佢演兩個唔同角色, 陽光男孩及縱慾店員都handle好好. 血還血時咁o岩見高先生坐我前面, 見佢對唐先生不停食螺絲擰晒頭不以為然. 所以見今次cast有唐先生都有d驚訝, 可能因咁o岩角色姓唐/唐先生氣質適合幾十年前的男人.
我都好期待內地會有一天可以有胸襟俾呢套劇上演, 咁大家可能會對中國人身份比較認同.
目測入座率: 90% (無開樓上)
有D支力先寫兩套.
神扒之間: 我同鄧健泓先生也許無緣. 佢做的大酒店及呢套我都勁訓. 勁的意思是我自己估>40%的時間都訓左. 真係太支力!? 對製作團隊唔好意思. 對我的銀包都好抱歉! 票價貴($320)相信係唔多FULL的原因.
又有譚芷翎小姐+陳敏斌先生+羅導在SHOUSON, 好熟悉~~
鄧先生在獨坐婚姻介紹所做得幾好, 如場刊講佢俾左好多自己的野落去. 但呢套同大酒店, 感覺佢有點OVER(以我清醒的時間黎睇 >_<)
譚小姐原來係我中學師妹(乜興場刊都寫中學讀邊間? 我讀的年代不是名校, 講出去都無人識果隻......) 今次的演出繼續是青春少艾+有點HYPER的港女. ENERGY夠但有D框框. 仲有講對白時總有點不清楚的感覺.
陳先生好討好! 不過以佢條件點會咁多年都無女! (劇中大量裸上身場面) 想起佢做斜路黃花首演, 對比重演的廖啟智與鄭嘉俊更似兄弟, 不過兩個配搭都好感人.
至於首次踏台板?的brenda林小姐, 新人來說是ok, 但總覺得身體在很"relax"的狀態而對白有奇怪的節奏. 其實佢不應稱是"扒", 起碼都有個friend暗戀佢咁耐(雖然唔多合理)
喬先生的角色都幾有趣, 我對佢最深刻的印象始終是"奇異訪客", 好出色~
目測入座率: 50-60%?!
--
金池塘: 好多年前的third run有睇過, 當年本來無乜興趣睇, 但見拿了劇后所以睇下(記得在討論區睇到話係造俾前輩的, 真偽不得而知, 唔好告我呀......)
年初的司棋姐當然有睇, 係覺得蔡澤民先生雖然係young都未到15歲卦!? (當年是東東大師~) 馮蔚蘅小姐在自家的rep都不演戲了, 難得演這個角色與司棋姐都幾襯做母女, 做到40+的感覺.
到今次司棋姐一家演出當然要睇. 感情真摯但總感覺葉小姐/黃先生佢兩公婆未到44+的感覺......
黃安信先生演出的確自然自信, 與古天農先生的是不同的style不同的女婿 :D 感覺今次女婿出場的時間好少...... 有無cut戲呢? 可能我好想見多d黃先生 :D
至於鐵膽king sir就唔使講, 近年除左陽光小子我覺得太貴無睇之外都有睇...... (唉年尾相約星期二又買左飛, 睇過兩次啦)
呀gossip下, 四月時在大會堂睇果次, 見到萬梓良先生, 仲叫佢在我買果本king sir書上簽名. 不過佢睇左半場就走左, 可能太忙~
目測入座率: 90% (唔知有無開樓上)
每次雲門到港似乎都滿座~ 不可錯過...... 荷花佈景很清幽, 各地的祭祀舞很原始很震撼. 國殤一幕另人錐心.
有機會再來港一定要看~
目測入座率: FULL HOUSE!!
--
蘭亭.祭姪: 上回談過楊雲濤先生跳的"伊旬禁章", 今次是他編的"蘭亭.祭姪". 感覺是很短...... 還有劉首席的出場這麼少, 又只是行來行去, 無啥舞技發揮? (說錯了不好意思~ 我不是專業的評論~)
雲水.流一幕可見唐婭小姐首席的功架, 不少舞者出出入入, 就她舞的最順最漂亮.
祭姪一章情緒較激動有較多發揮. 整體比起HKDANCE平時的舞蹈來說好像有點不同, 很靜. 可能是因表演"書法"的關係~
目測入座率: 只算樓下我懷疑只有七成半. 可能劇名太難明白, 所以少人入場.
Thoughts after seeing W Theatre's OCTAVE
i am really touched by this drama, with some tears dropped. (i can hardly call this musical, after seeing some in broadway)
i can feel ivana and hins' efforts, and passion. good job done.
the sound effect is not good at the beginning... i can hardly hear the lyrics, and donno what they sang!
i know it's budget issue.. but can they use all live music.. maybe one day...
for the plot / book, it's better than last nov's play... (the one with chet lam) directory mr wong's long lasting theme is the disillusion of the ideal thoughts of the youths... and he keeps encourging the HK youths by producing (i dont mean the producer role here) at least one drama each year... i really appreciate this (some years ago i saw him in MK sino center, he's a very courteous man)
講返我和秋天有個約會, 四個月前訂票, 果然是中間靚位...... 二十年前, 讀緊書的我無零用錢, 唔會睇舞台劇...... (唉當年REP係巿政局贊助學生飛應該好平)
但當年已睇八卦雜誌的我都記得當年的墟冚情況! 仲令各位女主角紅晒~~ 二十年後的我當然不能錯過這件大事~
今次HINS做得好放, 投入, 話喊就喊...... (一日做兩場都好辛苦) 真係估佢唔到, 比起OCTAVE好得多.
四位前輩+潘燦良先生做沈家豪, 無野講~ 睇返WIKI原來係謝君豪做DANNY/譚偉權做BOBBY...... 廿年後DANNY仲後生左 :P 至於BOBBY由本名叫BOBBY的劉守正先生做返可能佢都會覺得係命運安排?! [小插曲: 7年前(2005年)在某場地睇劇, 見到劉先生與友人, 友人話嘩你地又RUN新傾城之戀, 好悶呀, 做下第D啦. 劉先生好似係贊成友人睇法...... 個人覺得咁樣做好似唔係幾好囉.]
張紫琪小姐最驚艷當然係"結婚"中的秋子. (劇中她的拍檔楊政楠先生比佢早入REP仲離開埋添, 最近唔多見......) 在"魔方變奏"中有演員自己講心聲, 好似屋企都唔係好有$$果種. 印象好深因為我覺得佢係好富家女, 公主果種氣質, 尤其在"我的快樂時代"角色都係咁~
之後的"筷子姐妹"同"脫皮爸爸"係OK稱職, 至於呢套我覺得係OK, 但唔係話好亮眼咁囉~ 可以繼續期待既...... 不過REP兩位新女演員都有 D "框框". 郭靜雯小姐就覺得佢講野會好快同有少少懶音咁. 張小姐身形好單薄......
目測入座率: 唔使講啦! 梗係FH!
妹妹與喵 日記不交換: 之前講"馬桶"唔記得講, 見到導演老婆, 一時唔記得是黃曼凝小姐...... 我都幾鍾意佢做的郭襄~~ 同埋, 麥高利好凍呀!!! 睇"妹妹"又係咁. :( 凍到打冷震!!
講返睇"妹"時. 我隣座的女子時時將雙腳盆在椅上, 率性令我覺得佢係台灣女子, 一時仲估佢會否就是編劇!?
朱仲暐小姐上次的破格演出(上課不要看小說), 今次較內歛. 表現稱職. (仲記得佢在"菲爾德"時有點驚艷感, 現在好似同果時差不多的感覺...... 是否某種倒退?)
今次仲有為藝術犧牲的"性感"演出...... 其實我覺得無乜需要囉.
吳鳳鳴小姐最先認得的應是哈姆雷特的母親+故園幽夢. 在"妹"的演出應是我看過她最"癲得"的角色. 演得放, 感染力強.
男角的陳楚鍵先生真的很MAN, 很適合這角色. (有某些場次由導演親自上陣, 是技癢還是陳先生無期? 導演有無整個咁PUNK既頭!?)
目測入座率: FULL HOUSE
--
紅男綠女: 本人母校搞的MUSICAL, 原來已是第四年! 可能之前無乜宣傳所以唔知. 看的是第一場, 發現原來三場全部主角都不同CAST! 實在有很多ALUMNI+STUDENTS們很有熱誠~~ (不過如果話你知有機會在台上唱MUSICAL, 可能真係好多人肯俾心機練+唔收錢都肯既...... 不過我唱歌咁渣...... HEHE)
音響麻麻...... 尤其群唱時. 本人英文麻麻, 唔睇字幕唔多明. (字幕做得好, 始終有大學BACKUP)
主角做得都OK.
最後係票價好平! 因有大學支持, 都抵睇既.
目測入座率: 85%
--
淘寶俏冤家: 又係一年一度的國際綜藝合家歡的一定有一個演出係俾青少年去參與的. 同"紅"一樣係非專業演員做百老匯MUSICAL. 劇本本地化得好無聊(場中有人大聲話"九唔搭八")
劇情對小朋友好難明, 佢地又唔多識莎士比亞...... 我後面的小朋友勁問媽咪點解...... (不過好過早幾年合家歡做埋APA的菲爾德呀/HAMLET呀/雷雨呀咁既, 仲奇怪囉)
唱得麻麻...... 跳OK. 青春囉. (但舊年的THIRTEEN/SPRING AWAKENING 果D國際學校的同學無可否認做得好好多囉.)
目測入座率: 90%
--
本BLOG竟然有FOLLOWER! :O 好驚訝. 仲係劇壇人士! 多謝捧場~~ :D
好睇之作.
目測入座率: 85%
--
陰道獨白: 有看過文瑞興/李慧心/阮煒楹版本. 今次因為想看新cast. 似乎吳卓昕小姐已成為perry的班底. 在apa時"只有香如故"感覺可喜, 在"第十二夜"好可愛...... 但之後的"戀lovelove", "筷子姐妹"及剛看的"愛可以多狗"覺得她很用力...... 太用力了.
王嘉慧小姐在apa的演出應有看過但無甚印象. 覺得她的樣子好像有點苦, 表情有點硬. 至於紀舒小姐, 始終粵語不正是致命傷. 以前在"縛愛3度公演"覺得她演得ok. "女上男下"的角色是內地人也可掩蓋口音問題......
目測入座率: 80%
--
奇妙王國: 全劇無問題, 問題在於原來係傳教劇......
目測入座率: FULL HOUSE (國際綜藝合家歡通常FH!)
--
愛可以多狗: 去年的"戀lovelove"驚艷...... 今年繼續不斷背叛的"現代愛情觀?!" 現場很多女觀眾! 票房大賣......
目測入座率: 93%
--
友好先生放暑假: 友好先生好可愛. 現在的兒童可能沒甚麼機會看這些傳統小丑. 友好先生送給小朋友紙碎時, 有小朋友大聲說"點解佢唔黎呢便? 點解唔俾我?" 全程由賓賓抱住. (媽媽坐鄰座) 唔......
目測入座率: FULL HOUSE (國際綜藝合家歡通常FH!)
有看過S2, 沒看過S1/3/4, 今次是奇怪為甚麼同流的林子傑先生去了PIP? 鄰座的嬸嬸對角色們如數家珍, 歐陽太/陳滿等等個個叫得出名字瑯瑯上口令我很驚訝, 莫非在家勁煲DVD? 連林先生頂上的GILBERT角色都說, 咦佢咪頂ERIC個位, 勁!!
與S2很似, 雖然我忘記了很多情節但感覺很像, 我估我不會再看...... 除非不同演員(但不是羽翹囉)
對PIP不設場刊的決定感到有點不尊重創作人員的感覺. 再重疊近日八卦雜誌的報導, 我覺得現在的PIP真的變得不同了......
目測入座率: FULL HOUSE
--
狂情
放入座都用了十五分鐘, 到開始後才發現之前的十五分鐘演員們原來都在舞台上! 但太黑了所以沒有發現. 厲害的集中力!
只可以說是不明白劇情, 但演員表演OK. 賣座劇團上演這樣的劇目值得鼓勵.
目測入座率: 99.5%
--
沙兵馬將
國際綜藝合家歡的節目常快滿的, 不要小看家長們的威力. 不知有沒有人因為'心戰'去看? 我想說如果沒有'說書人'一角真的不能成事. 但沙畫的效果跟演員實在不能配合. 又不知究竟想TARGET兒童還是成人? 總之很悶.........
SORRY 海潮先生, 前一陣再看天邊外的"生死界", 想起十年前你演的男角, 我比較喜歡看你演戲多些.
目測入座率: FULL HOUSE
--
馬桶
書展關係遲了十五分鐘開場. (我都兩年沒去書展了)
因為編劇前作"白色商場極樂漫遊"很可愛. 但這套, 怎說呢, 將"HIKKIKOMORI"(隱蔽青年?)的心境很'形象'化地變成'困'在馬桶不能出來的男子. 實在太形象化了.
狂情中梁祖堯先生整場坐在高空的椅子. 這套中編劇兼男主角胡境陽先生也全程坐在馬桶上...... (我覺得胡先生好像保阪尚輝......)
女主角好多懶音...... 不是專業演員的話, 也請注意.
兩小時半, 實在太長了.
見到陳麗珠小姐, 陳文剛先生, 魏綺珊小姐等等劇場人士在場/捧場......
目測入座率: FULL HOUSE (我想編劇有多朋友+FANS)
--
一氣看了多套日劇搞到連BLOG都沒時間寫. 前所說的'明日高'還有賀來賢人...... 昨天因為想重看西島秀俊年輕時再重看'愛情白皮書', 赫然發現賢人KUN好像年輕時的木村拓哉SAN...... 原來網絡上也有人說了.
至於西島SAN. 怎麼二十代時那麼'o靚仔', 除了聲音外還真很難認出就是現時的他~ 男人, 三/四十歲真是更有魅力...... (我不是大叔控啦~~!)
說回'愛情白皮書', 前陣子看'東週刊', 杜惠東先生的專欄裡說'愛'劇成績遠高於同是改編柴門文的'東京愛的故事', 我真不能同意更多.
'愛'簡直令當時年少的我對大學非常的憧憬...... 唔...... 只可說, 憧憬永遠是美好的, 而且通常比現實美麗些...... :P
看過大隻謙的版本, 感覺大隻謙比較內歛, 現在這位比較"花".
目測入座率: 50%
--
邊緣戀曲
歌OK, 音響OK, 票價比較平, 可能因為咁所以入座100%. 歌詞較CLICHE, 張國穎小姐做得最好. 之前都講過張小姐好似D SHOW逢親RERUN都少做, 寧願做新SHOW. 得獎的"喜靈州"例外...... 但今年的仙樂飄飄又見佢做RERUN喎.
目測入座率: FULL HOUSE
--
紅
REP高手過招, 正如導演所說, 只有REP才會做. 藝術的通識課.
目測入座率: 90%
-- 太忙追日劇+還未病好, 無心寫文. :P 由豐哥追流星, 再由武井小姐追明日高. 想不到明日高很好看, 少女漫畫改編的劇情很厲志, 武井小姐真是可愛, 可正可邪, 還有松土反桃李弟弟, 陽光得要緊!! 從這劇估量"今天開始戀愛"應該會很成功.
一個少女誤入男子工業高校. 眾男子穿上好像'整車工人'的工作服很有型...... 也在鼓勵少年們人生還可選擇這些工作的. 正如豐哥在"再一次向你求婚"做的"整車佬"也不會自卑一樣. 男子就要自信的才好看 :D
記起了很多已忘記的事.
開始的悼念已逝者, 如果不是有洋葱頭, 我不會認得林振強先生......
老董也忘了.
02年裁員潮.
03年沙士.
04年之後的自遊行.
甚麼年份的隱蔽少年?
07年左右開始流行的fb. 那時還有餵動物,poke/superpoke,殭屍咬,送花送禮物,現在呢? 今時今日說這個好像很out了, 但那是那一年流行的......現在回看只覺多荒謬.
今年的特首選舉.
電影大集薈:inception/斷背山/亞凡達/avengers/2046/花樣年華/那些年.
quote: i wish i know how to quit u/我英文唔好, 你可唔可以講中文?/我希望我可以唔讀大學! HAHAHAHA
好像很多人沒聽出這個gag...
這一年, 可能香港人真是很需要鼓勵, 不同的劇團也在努力的為港人加油了.
宣傳的語句: "你最近有無笑過?" 在這三個小時裡, 真的笑了很多.
要說聲"謝謝".
--
謝幕後, 譚國明先生的女兒+其他演員的家人也出來了, 為小女孩慶生. 笑了整場, 到這時反而有點想哭了. (但沒有囉~~)
--
有一點倒是想提一提, 投影的白字"待別鳴謝"是惡搞嗎? 這麼明顯! 之前勁金最後陳奕迅組曲時投影的歌詞也是勁多白字!! 沒預算重做嗎??
--
目測入座率: 85%, 看不到樓上有沒有觀眾......
這套劇的和久井SAN真是堅毅不屈, 大和撫子典範. 不可不提是她與男主角萩原聖人結婚......日後離婚, (原因請查看WIKI). 同樣例子有2000年與她共演'FRIENDS'的竹內結子小姐...... (當年看'FRIENDS', 很不喜歡結子小姐, 不漂亮...... 但最近的 STRAWBERRY NIGHT 真的很有女人味!!!)
94年的"東京仙履奇緣"(那之後有一套日劇有個男角叫高木雅史, 我立即記得, 這不是"東緣"的唐澤SAN的名字嗎), 97年的"VIRGIN ROAD", 98年的"毆鬥之女"都有看, 96年的"PURE"遲些要補完...... 10多年來她也沒有主役.
09年"不毛地帶"宣佈卡士時老古日劇迷還想噢怎麼當年的COUPLE重逢了, 不過有看過的人就知和久井SAN是不折不扣的"黃面婆", 造型老不特止, 還要被老公嫌棄了. 到"再一次向你求婚"宣佈卡士時, 很多豐哥迷都投訴女主角太老/不美/似姐弟戀等等. 我覺得現在拍出來結果還不錯, 女角的氣質她也CARRY得到.
雖然林奕華導演早就在明週專欄中大讚"不毛地帶", 但我是今年才看的. (話說回來, 日劇的認真程度實在太太太厲害了. 裡面的戰爭/俄羅斯/演員說俄文等等太認真了.)
所以看"再"劇時有一點點怎麼豐哥你跟嫂嫂變了夫妻. 還有"元彼"袴田SAN在"不毛"還是惡役一個......現在變這麼好了. :P
心戰大結局, 結局以"暴風雨"作結
(看過多年前文化中心版本, 英國劇團, 坐在散在場中的一塊塊木頭上, 還有台灣的吳興國版本, 好像還有一個外國劇團在香港演過)
應了劇情/香港的情緒/及當天的天氣!! 八號風球在即
--
FILUMENA
基本上我有空都會嘗試看一些英語的話劇, 因為有些劇你是不會看到中文版的. 今年就看了yellow face (btw, hkrep的黑盒場地有中文字幕!! 很好的安排) 及這套
外國觀眾對劇場的態度是聯誼活動, 所以開場前及中場的break很重要, 要飲酒!!
戲沒啥特別, 50多年前的劇本. 看完wiki也不很明白女主角究竟本來跟男主角是甚麼關係, 為甚麼兒子都二十多歲了才結婚. 可能我的閱讀能力太爛.
話說回來這些努力在本地努力的英語劇團都很專業, 票價又不貴, 當作磨練聽力也好, 可以支持一下.
很貴的外國劇巡迴我也有光顧過, 08年的"39 steps"(中英下年會做), 10年的"grease". 不過今年的"waiting for godot",我還是御免了~
目測入座率:60%
--
硬膠先生勇救核心價值
基本上詹sir的戲10年看過笑帝已停看, 因有點悶, 而且對他的路線有點不同意....... 但今年想看一下, 沒想到很窩心. 爛gag依然, 但有打氣的作用...... (為香港[人]).
希望每人都找到那條匙 -> take it easy
還有結尾很林奕華風的"幸運是我". 又正好這陣子經典台播鬼咁夠運......(梁影帝初出道已經很正~~) 又是那句, 大家應該要感恩+努力
話說, 這套跟"上課不要看小說"一樣玩貞子......(4D -_-)
還有還有, 都有玩金句王黎明先生的金句. 黎生成了本地哲學家? 唔. 對我而言, 他是我第一個偶像!! 我懷念當年黎生的風采~~~
目測入座率:FULL HOUSE
--
上課不要看小說
對拉闊劇團的好感令我看了兩次上演的莫扎特之死, 但去年的"月老"令我有割椅的衝動. 今年算ok, 因本來劇本原作已很爛(作者也這樣說), 又'單元式'結構, 分場很易搞.
鄭嘉俊先生今年演出好像不多, 演出ok, 反而我認不出陳仕文...... 幾好. 朱仲暐小姐很破格...... (相比起溫柔演出@amadeus)
似乎導演人緣很好, 找來了很多劇壇前輩演出. 但謝幕時導演說話太多, 我留意到尚明輝先生好像有點不耐...... 希望導演注意一下, 前輩為你"站台", 不要真"站"太久啦.
目測入座率:FULL HOUSE 不知是否九把刀的號召力呢~~
--
今季2012/4-6看了很多日劇(可能太閑了), 看到橋段老套到爆的"再一次向你求婚"卻忍不住對竹野內豐 亞豐哥的演出讚好 (用台灣用語說此為花癡文) C9大力推薦!!
GOOGLE到台灣網友這篇,
QUOTE: "話說回來...在結婚場所含著淚宣布離婚 豐哥你的帥已經超越常人可以理解的範圍了..."
說得太好了!!
花近高樓
QUOTE:
就算以後每年有五十萬人移民離開香港, 我地都仲有五百萬人響度......
點解香港咁慘咁折墮, 要靠對人有用, 希望人地唔好嫌棄我地? (指的是當時的英國及遙指九七後的中國)
三幕劇, 第二幕播出"鐵塔凌雲", 第三幕播出"說不出的未來", 估不到最後由好年輕的高翰文領唱蔡國權的"原因" (去年經典台播出"工字打出頭"所以記得, 話說這劇集也是兩個情如兄弟的人的爭鬥故事). 有心人請自行搜尋歌詞. 雖然略嫌有點露骨, 但我覺得是很有心.
那時, 還只是1988.
--
牡丹亭
崑劇專場, 想看牡丹亭的折子戲. 不過, 前年的土反東玉三郎精彩很多! 反串的男子演女子, 原來真是嫵媚得多. 還有, 完場時都聽到, 為甚麼男主角似盧海鵬?? (對不起大師!!)
--
心戰如果能令多些人去看舞台劇, 也算功德一件. 除了劉丹的那個改編劇, 秋官的劇團有很多劇上!!!
有以下經典劇目:
李爾王 - 沒看過 (喻秋官對已逝女兒的感情)
人民公敵 - 沒看過
李察三世 - 看過HKREP及在NY看過在NY PARK的露天公演 (暗喻主角的奸險)
伊迪帕斯 - 看過當年HKREP (暗喻秋官與MAGGIE的愛是宿命悲劇!?)
26集完結, 于洋死去, 聽的是莫扎特的魔笛 - 我心沸騰著怒火. 正是陳豪的心情!!!!
在看1988年的HKREP花近高樓VIDEO放映時, 我還真太感動+心up忍不住大哭了一場, 好像還嚇倒了前面的女士. 就如坐我後面的女士們說, 這劇到現在再run也不會過時. 之前看'城寨風情'/'人間有情'覺得杜國威先生寫得真是好, 而'1941'陳總監寫得就很'匠氣'. (sorry! 陳總監) 都沒有很感動. 也就沒有寫的衝動. 這個, 真有很多東西想寫.
BTW, 我想我是現場中比較年輕的一位. 在GOOGLE時發現有本劇的課本問題, 不知是否成為了學術教材. 我以為年輕的一輩也應好奇去看舊劇/舊時的事物, 感受一下歷史..尤其本劇時常出現的一句: "而家唔似以前打仗時, 個個都食唔飽, 依家d人係要on diet架." 的確我也沒受過甚麼苦 [只是比較窮], 老爸說的以前捱飢荒時要吃樹皮倒是聽過的. 現在的一代實在是幸福得多. 不是說一切也要回到以前, 但是'感激'之情好像真是失去了, 大家全部都覺得是'老奉的'. 我再說這些也顯'老餅'了!!
本日事忙, 留待明/後日再續.
果然本港的幾大劇團都要找朱柏謙先生擔任charisma男主角的角色. 我也想說他的確是本地最有個人魅力的男主角, 由07年的點點隔世情開始, 到一屋寶貝, 神級dj, 十二怒漢等等等等. 還有四川好人的老王, 個人覺得他應該擔演負心的男主角而不是他的兄弟朱柏康先生.
話說回來, 他倆兄弟02年的venezia咖啡(是出道作嗎?)已然忘記劇情. 但感覺是好看的.
再說回來, 對不起了鄧導, 我在你那場及猶大的那場都被睡魔召了去......
還有, 最近看日劇常看到田中哲司, 我覺得他跟鄧偉傑導演怎麼長得又像聲音又像......
劇情方面我沒有異議, 但的確是難明白的戲. 演出ok!
目測入座率:80%
--
在FB找回2010年的貼文: "之前睇神級dj真係覺得有d sai時間, 劇本太新穎啦, 但今日睇完29+1又慶幸有睇"神". 淨係睇朱栢謙除衫都抵啦. 朱先生, 你響 29+1 真係好cutie丫~ 為左佢, 我會入元朗睇"點點隔世情"重演既! (首演我都有睇, 真係值得一睇架!)"
29+1場刊中有朱先生名字, 但到了半場還未出場, 原來很後面! 還有後來沒能看到點點隔世情重演, 因到NY去了.
說到"除衫", "製"劇裡朱先生也只剩下"布檔褲"(請參考主耶鮮被釘十字架的造型). 其中一個朱先生這麼"CHARISMA"的原因是他高大+身體看來不瘦. 再說好像變了我像研究專員似的...... -_- 再強調一切都是目測!
還有就是看出他很享受演戲, 還有從不認為自己很"掂". 在"十二怒漢"座談中他就說8號審判員不是英雄...... 最後: 一個我記得的畫面, 他在一路青空的"逍遙遊"作伴奏, 我的視線常飄了他那邊. 看到他因為台上的演出而大笑, 真是很FUNNY的畫面~~
--
讓黃雀飛
三年前及兩年前的紀念劇都沒看. 今次我後面的內地女生不停的哭.
呀其實這裡是我的無責任舞台劇感想發表地, 而本人對演員的感想通常較多.
譚芷翎小姐...... 之前看過花心大丈夫2/殘酷青春. 不怕死的青春少艾角色很適合她的外型. 而張君洳小姐的氣質也一直讓她得到深情的角色(例如戀愛格林威治時間/殘酷青春)
潘劍秋先生在鐵道緣好像是演公安? 還是我搞錯了. 今次倒是演逃亡人士...... 記得08年看老婦還鄉, 完全覺得黃呈欣小姐實在太超班, 令她的情人潘先生完完全全比下去. 今次覺得潘先生真的進步了不少. 至於陳敏斌先生, 我只是不喜歡年齡差太遠的情侶 - no comment.
目測入座率:90%
p.s.: 演後座談很感人
--
康橋的告別式
看這個劇完全沒有打睏, 後半有哭. 當聽到鄭秋文小姐問你還記得從前嗎這些台詞. 人到了某些年紀是會受這些感動的.
蔡澤民先生的演出在這劇中比較恰當(較諸徘徊/有話兒一是UNDER一是OVER, 還有金池塘比較超齡......當年是東東大師演的呀!!!), 當然縛愛演得也好. (那是因為劇情太震撼了對於我來說)
目測入座率:70%
--
呀, 還有小友告知, 見工成功, 而且沒有猶豫, 因為新工作條件好得多. (我是在比他遲很多年歲才得到那個薪金的~ 當然當時我是很UNDER而現在已正常 - 但那是後話, 那些年是不開心了幾年的. 舊網誌中也記載了那些心情.)
我想說一句恭喜, 你應得的. 我從前跟你說, 不需要害怕轉變. (尤其是如果現狀是不能忍受的.) 而你也做到了.
不過未來無法預測. 只有做好自己,
遇有最要緊是, 保持開朗+平和心境.
話說本小姐每週六習慣午晚各看一個演出......伊甸禁章剛巧上演這個周六的夜晚空了檔, 所以考慮看這個.....我絕對是因為宣傳海報而買票的!!(請有心人士自行GOOGLE)
(又話說6/2那周六, 是沒有演出我想看的!!)
看到半場, 除了楊雲濤先生的舞蹈以外, 真是沒有甚麼看的理由. (我對於女角們的身體又沒有興趣, 而一眾男角的身型我覺得太笨重了一點, 看舞蹈員我喜歡修長的身裁~) 由於我是06年左右才開始看HKDANCE, 之前都沒有看過楊先生的舞姿, 今次倒是值得一看.
半場時, 感到異常疲倦又悶的我, 聽到身邊觀眾的談話, 年青人甲問年青人乙(似乎是青年廣場學校的同學們): 你明嗎? 這個OK好看 (吓, 我心想不是吧) 年青人甲再說, 我之前看過一個演出, 也是這個題目的, 那個還要悶. 那個又有唱歌又跳舞又MULTIMEDIA的.
突然我靈光一閃, 明白了. 他在說"藍星球"!! 如果用"藍星球"來比的話, 那這個真的還好!! 三月時, 地鐵到處都是康文署的"藍星球"宣傳燈箱, 當我終於買票, 去看...... 嘩真是超被騙的感覺. 那超業餘的動畫, (電玩的畫質都好點啦) 重複沉悶的劇情. 真不明白為何還有人在謝幕時歡呼的.
突然我釋然了. HAHA
只懂欣賞楊先生的我, 覺得怎麼劇情好"少女漫"風, 尤其楊先生演的阿當要被一眾神/魔(?)迷惑, 又倒下...... -_- (妄想狀態中) SORRY 但真是這個還真是賣點. (針對我來說啦.) 還有我覺得有好多同志捧場, 是捧林澤群先生嗎? 還是被海報的眾男肌肉迷惑了?
半場後, 風格突然改變!! 這不是問題, 但好突兀. 我覺得導演被騎劫了, 怎麼被林澤群先生的DIVA風主宰了...... 又加了很多無謂的時事笑話.
但這似乎是導演的意思, 因為YOUTUBE上的宣傳片, 也是上下半場各一的, 風格迥異.
但. 唉.
--
第一次到柴灣場地的我, (呀這個就是心戰取景的劇場) 覺得場地OK, 地點OK. 但樓上的餐廳水準...... 麻麻地啦~
DISCMAN 是不用轉SIDE的!
--
大酒店有個荷里活
導演調控不力...... 沒有應有的GRAND氣度. 還有主題都很CLICHE...... 無啦啦又有GARY哥哥唱歌......
前作"天上人渣"好玩好笑得多, 而前前作"難忘郁達夫"也很有情懷......
目測入座率: 70-80%
--
話說見到監製與編劇坐在一起, 監製好像大肚了. 原來他們是夫妻? (因坐得很親密......)
--
最後的越野賽
是真的感動, 不同於SING A LONG那種, 是平凡人平凡事的感動. 對白就是那麼平凡, 你都不會在意的, 但聽到了又會提醒你不曾注意的一些.
黃小姐真是做到很煩的那種母親.
梁天尺先生......看過他的"縛愛"/"殘酷青春"還有這套, 變化度很大. 今次不知有否為藝術犧牲? (因為好瘦!!!) 他做的那些很"MAN"很有承擔的男人角色很有說服力, 不知他是否APA是SECOND DEGREE所以外型特別成熟 (尤其他留鬍子很有味道) 香港太多MUMMY BOY了......
演兒子的陳郁憲先生......(說起來"郁憲"好像日本名字, 平假名讀音會是"FUMINORI"......) 也有看過"縛愛"/"第十二夜". 好像是單眼皮...... 又是好幾套也有SHOW他的身材. 很SUNNY BOY的型格.
今次做的也ABOVE AVERAGE. (勸父母不要吵那一段令我想起早幾前的MPW BOOK B的那個CASE. 女兒被夾在父母中間, 不能成長......)
沒錯, 我對男演員的注意度絕對是高過女演員的......!!!
場中還見到張君洳小姐/蔡澤民先生/郭麗敏小姐/還有我好愛看的朱柏謙先生旁邊還有他的女友或是太太(其實我應該要KEEP起神級DJ的那張遠看裸體POSTER)
目測入座率: 80%
--
紅海人.藍海戰
聽謝幕時小龍導演說白只病了是硬上場的, 因為THE SHOW MUST GO ON. 其實白只凌先生的演技可說是"乏力"系. 時常故意OFF BEAT的. 上次的"花心大丈夫2"就應用得很好, 因為是鬧劇. 但這次總覺得嚴肅與搞笑融合得有點硬. 但經濟學理論融在劇本倒還OK.
我覺得這新嘗試是OK的.
目測入座率: FULL HOUSE
--
今天忍不住, 買了整套的漫畫"今天開始戀愛" :D 好久沒有這樣的衝動, 好久沒有這樣的心情. :)
先申報, 四年前的二度及三年前的三度(阿SA)公演我有看. 三度那次因剛剛外遊返港很累, 睡了半場......
仍然感動, 也仍然困惑...... 明知道為了戲劇效果, 用了不同年份的歌...... 但又不是錯得很離譜 (拾香紀就很混亂了)
男主角們的出生年份, 究竟是69 (30歲開CD舖, 收左隻99年5月出既天佑愛人喎~ 我對於2000年前的唱片/歌曲年份倒是很熟的), 還是最遠去到77呢 (16歲參加新秀, 但已唱出熱力節拍WUBOMBA)? 好啦好啦, 可能只有我一個拘泥於這些數字上. 感動倒是不假的.
我的中學師妹擔演得倒也不賴, 唱的荳芽夢也好聽過電台派台版本. 倒是她一唱完就有人拍掌, 太突UT了~ 還有...... 余宜發先生的掌聲更多. (但我懷念細蘇唱的"我的歌"多些)
看到楊千嬅組曲的一段, 我真是忘了, 當年阿SA有沒有唱呀!? 如果導演避了的話, 那唱了甚麼呀!!!???
--
謝幕時看到徐先生感動於台下觀眾的螢光棒, 我真的覺得, 很溫暖~!!!!
--
對於三個女主角的喜歡程度, 是糖妹=阿SA>蒙小姐...... (蒙小姐做的劇常給我一種放不開的感覺, 還總覺得有些痴利筋...... 雖然蔡小姐都有點, 但新鮮感+演技搭夠~ 糖妹就真是感覺到有很多正能量!)
--
昨天說的"今天開始戀愛"真人電影化...... 武井小姐今季擔的"W的悲劇", 沒話說, 一人分飾兩角, 我覺得有板有眼. (沒辦法~ 我對於這種STORYBOARD很沒抗拒力, 對上的一次這樣"JET COASTER"的一人兩角日劇可能是2000年的"FACE"了......) 話說回來, "W"的桐谷健太...... 勁型勁帥......HEHEHE
電影的男主角松阪桃李...... 沒看過. 但GOOGLE SEARCH的這張圖片, 那我也當然"納得"X100了吧!!!!!!
今天先說兩件事.
其之一
小友問應否轉工, 我說, 你是否知道想做甚麼, 他只說我想要好的前途及多些金錢回報. 我想, 其實他並不知道答案. 當然, 站在'已上岸'立場的前輩的我(真的上了嗎?)來說這個可能是殘酷的. 但是, 這就如問我, 現在可否買樓一樣, 又有誰知道以為的事會怎樣呢? 就算是那一行的前景可能好些, 但這也要視乎個人的個性是否適合哪個工作, 能否做得好等等...... 一切都說不來. 我只感覺我並不能為這麼的一個決定負上比我能負擔的重量還要重的擔子. 但超越一個前輩適合說的說話, 我實在也不懂說. 本來, 我想, 就如數年前的我一樣, 我常想, 如果當年有人點醒我的話可能會少走一點冤枉路. 但又誰知道呢? 可能就是要這一刻的我才能得到現在這些呢. 再說, 那時的我, 唔, probably, 不會聽進耳裡. 而現在的年輕人們, 實在比我醒目得多了, 但迷茫的心, 可能也一樣. 我只能希望, 經過時間的沉澱, 路會順暢一些.
其之二
原來之前租看的漫畫"今天開始戀愛"完了, 急不及待在網上由頭到尾看一次. (都說記性不好了) 會想說的是自從十多年前的"彼氏彼女"後, 好久沒想過有感動的感覺. 首先想說的是日本少女漫畫好多都有十六歲就H的畫面, 畫得這麼唯美的會否影響了這年代少女的戀愛觀念? (可能現在的風氣已開放太多我也變古老了) 但撇除這個我想說的是"成長". (嘩, 扛到這裡電腦HANG了! 好在有AUTOSAVE)
有兩個畫面我好想說......
一. 之前"玩女"無數的男主角自從認識了"老土"女主角後, 不玩女了. (因為覺得無意義) 與女主角認真拍拖, 還要尊重她的意願忍耐著不搞野...... 直到女主角願意才...... 那是拍拖後半年, 註: 男女主角十六歲, 高中一 = 中四.
如果在香港, 可能被家長鬧教壞細路了. 不過家長們不看漫畫的吧? HAHHAHAHA (當然漫畫有封條.)
真是超"現實"的橋段, 雖說常說男子最好年輕時玩女無數, 之後才會對老婆專一(我不太相信), 但十六歲就玩夠兼專一, 這也真是少女漫才有的橋段(但我又BUY喎~ 嘻嘻~ 幻想嘛OK啦) 但如果女生至少學到這一點也好, 不要被男人太易騙了......
還有一拍拖就拍到後來結婚生子有美好結局, 在這年代可能太少了. 所以給人發夢的機會也是好的.
二. 女主角不想讀大學(雖然成績夠), 要做髮型師, 說服了媽媽很久才答允...... 又換了在香港...... 相信也是很少人會這樣. (除非你跟老媽說你會做到KIM ROBINSON?) 唉. (不知還可再說甚麼)
--
為甚麼我沒有見過好像少女漫那樣靚仔的人呀!!!!
